薄豬扒用鹽胡椒醃醃，上麵粉煎熟備用.
汁> 三色椒各一,一開四. 一條尖頭紅椒切片，三個洋蔥切片，兩瓣蒜頭切片，兩塊月桂葉，一湯匙茄膏，200ml 白酒，250ml 牛湯，鹽，胡椒,糖，兩三湯匙Madeira（我估係甜酒，用嗰兩三湯匙唔買嘞）。
三色椒放焗盤，皮向上,烤至皮燶，蓋上濕布，等冇咁熱時去皮切條備用.（其實呢個步驟有乜用嘅呢?唔去皮唔好食?)
洋蔥,蒜頭,月桂葉一齊炒，當洋蔥軟身後加入尖頭椒,茄膏再炒。之後落白酒。酒精揮發咗後再落牛湯，三色椒。煮多五至十分鐘。鹽，胡椒,糖調味.
另外食譜話呢個係二人份.但係對上兩次同今次都煮咗一大煲汁.下次跟呢本食譜一定要減份量.
咪即係烤紅椒一定要會皮，燶咗d皮苦
回覆刪除用鉗夾住放火度燒至燻黑，之後放入煲度加蓋再刮去皮，仲快😏
3椒3洋蔥都知唔少份量啦
咁即係唔煮燶唔會苦啦.
刪除我冇明火喎.
呢個係一定要燒燶去皮食肉.冇明火就焗啦.
刪除平時我煮椒都唔覺苦.
刪除煮唔會燒到炭黑嘛🙄你完全對果樣嘢冇概念，溝通唔到😰
刪除咁我呢個都唔會煮燶，去皮即係多餘啦。
刪除洋蔥西椒應該幾好味
回覆刪除係幾好味架.
刪除睇落幾好味
回覆刪除係幾好味架.
刪除烤椒會帶出椒味，烤燶咗咪要刮走佢，同中式落油鍋炒香啲青菜味一樣，用個鼻索吓啦！
回覆刪除冇夾上心得字條，隔一排再睇番佢會唔記得又重復錯過。
個食譜真係「9兩菜」，1人每餐約食半斤青菜，用4安士1個細洋葱就差唔多。
一餐煮埋幾餐食都唔係問題.
刪除呢個汁一定好味好香濃！
回覆刪除如果加少少煙肉絲爆香齊煮，仲正。
加煙肉諗吓都覺好味.
刪除近排真係勤力煮喎
回覆刪除次次都試吓新嘢咪覺得密密煮咁囉.
刪除Madeira係甜酒，用port wine或者sherry代替都得
回覆刪除用嗰少少都係費事。落多啲糖代替。
刪除煮二人份，返新工可以帶飯啦 :p
回覆刪除btw, 我估係因為要用吉普賽醬汁所以叫做吉普賽豬扒
刪除wiki有講個吉普賽醬汁：
https://en.wikipedia.org/wiki/%C3%80_la_zingara#Gypsy_sauce
個名已源用咗100年，你睇"Name controversy"嗰段有講2013年有人話要改名喎，因有歧視成份
原來係因為個汁....
刪除依家乜都可以帶。
你呢排成日煮喎, 我想跟你煮都未煮得切呀.
回覆刪除次次都試吓新嘢咪覺得密密煮咁囉.
刪除一大煲汁可以留來撈飯
回覆刪除我多數第日煮意粉食咗佢.
刪除好吸引的賣相~~~想食呀~
回覆刪除幾好味架.
刪除好多汁
回覆刪除一大煲
刪除會安哥嗎？
回覆刪除冇咁快.
刪除咁吉卜賽人開返間餐廳就唔使四圍偷野啦！
回覆刪除其實都唔知係吉卜賽人有冇呢味菜。
刪除