Piroshki 俄羅斯椰菜包

某日某原籍前蘇聯喺中亞嘅加盟共和國嘅同事請我食咗個包，係炸嘅，入面嘅餡係肉碎同椰菜。問吓係咪佢啲家鄉嘢啦. 佢話係俄羅斯食品.
懶係好欣賞，問埋佢呢個叫乜東東,話我又整。
Google咗先知piroshki 原來係一個統稱。有好多唔同餡嘅，有炸,有焗. 我揀咗以下呢個椰菜版本。
https://www.youtube.com/watch?v=-2HB9kU-ntQ

包＞一湯匙乾酵母，三湯匙糖，一杯暖牛奶，撈好,放十五分鐘。
之後一隻蛋，350g 麵粉，少少鹽，一湯匙 sour cream, 50g  牛油溶液，酵母液體, 搓好.用保鮮紙包好,發酵一個鐘。

餡材料＞半個椰菜切絲，一個洋蔥切粒,一湯匙茄膏，一茶匙糖，鹽胡椒，月桂葉一塊。
洋蔥炒香，加入其他材料。加啲水煮熟啲菜。調味。

個包跟佢個份量係超濕，我要有停唔知加咗幾多麵粉落去。
個樣應該係長長尖尖。但係因為喺我呢度係擠迫戶，焗出嚟變咗好似雞尾包個樣。味道都OK.有肉會好食啲囉.
拎咗一個畀同事食,佢話我個包比佢整嘅軟熟,但係大碌咗啲。餡就下次可以加啲切碎咗嘅烚蛋喎.