Berchtesgaden

2月8 叉電嘅計劃好順利，無驚無險嚟到德國嘅最後地點Berchtesgaden。
居然南部係一片白茫茫。

今次都係喺鎮中心嗰間酒店。喺酒店桑拿房聽到外面好似有活動喎. 即刻落街八吓.

原來係一個Ski Mountaineering World Cup嘅頒獎禮.

睇咗幾個都係意大利第一嘅？！！

喂！奧地利，你有冇獎攞㗎？

有餘興表演

2月9,酒店房嘅風景。

呢度嚟過好幾次.但係冬天就未嚟過.

所以四圍影吓啦.

呢日嘅活動係參觀鹽礦Salzbergwerk。

入口.

對出有餐廳。

參觀係要跟guided tour。喺指定時間入內。佢係會早幾個字畀你入去著蛤乸衣。

然後坐呢啲小火車入洞. 入面唔畀影相的。
咁就口述啦. 喺Salt Cathedral落車，睇咗個燈光show之後就可以瀡滑梯。之後沿Tunnelling system行去到Stone Salt Grotto。再行去睇一個介紹鹽礦運作嘅影片同模型。 經過一個洞睇吓架Airlift drilling equipment。再喺Magic Salt Room睇另一個短片。然後又有另一條滑梯。喺Mirror Lake要搭船過地下湖, 期間又有燈光show睇。落船後可以試吓啲鹽水,又可以睇吓個水泵。原來啲鹽水會輸送到附近嘅Bad Reichenhall蒸發。最後搭lift返去車站搭小火車出洞.

紀念品店當然有好多鹽賣啦.

個tour大約一個鐘。如果跟德文tour又唔識德文嘅會有audio guide。我呢日個tour有55人, 因為我明德文就冇耳機啦. 可惜人多, 企得後，完全聽唔到佢噏乜。