Heidelberg, Ellwangen

2月7離開Wiesbaden，計劃去番上次喺Dossenheim嘅快機叉電。點知又係有人用梗喎. 呢次點都要叉滿。唔知人哋要叉幾耐呢....似乎有排等。因為見其中一部車嘅車主似乎嘟唔到卡。咁去plan B喺Heidelberg嘅叉電站啦. 
呢度上次搵唔到。今次喺網上睇清睇楚.
又遇到問題。明明呢部係漫遊伙伴嘅機,但係部機唔收我張卡呀！！又打去求教啦.等咗好耐，最後居然叫我打去當地嘅供應商搵師傅嚟睇......
好彩突然見佢收信用卡 (通常都唔收的)，試試, 得喎.有救！
（咁即係信用卡付款嘅技術係可行。咁點解其他供應商唔接受呢個付款方法呢?)

呢處係山旮旯，周圍乜都冇. 一早準備喺呢度picnic睇書打發時間.

咁啱有人嚟想叉。吹吓水。佢話呢度以前係美軍軍營。

依家應該係有活化工程。除咗裝修聲都唔多見到人. 仲有一個鬼巴士站。
Google 一吓. 原來呢度以前叫Patton Barracks。 美軍撤出後，呢度會變成一個創科中心,會保留一啲舊建築。

呢日最後嘅叉電地點係上次發現嘅Ellwangen。見太陽未落山,叉電前去行吓個舊城先。

Marktplatz

Basilika St. Vitus

估唔到入面咁靚喎.

大教堂隔籬又有另一間教堂Stadtkirche.

Stadtmitte鎮中心

叉夠電就繼續驅車前往投宿地點。