Zaaluka茄子沙律

又係本以色列巴勒斯坦食譜。呢個Zaaluka google搵唔到。唔知係咪德文原因，只係搵到類似嘅摩洛哥茄子沙律Zaalouk.

兩隻茄子(700g)切斑馬皮然後切厚片。四瓣蒜蓉，兩個洋蔥（冇講點切），一茶匙cumin粉,一茶匙辣paprika粉,一茶匙唔辣paprika粉，四個番茄(600g)切件,兩湯匙番茜碎，半個檸檬汁，半杯黑橄欖切粒, 鹽，胡椒。
茄子用水滾廿分鐘，隔水備用。中火炒蒜蓉洋蔥十分鐘，落調味粉，番茄，茄子煮5分鐘.最後落3埋餘下材料。

味道OK嘅。凍食當沙律，熱食當意粉醬。

食開齋，順便講吓素肉啦。
依家Impossible Burger同Beyond Burger喺超市都好普遍。
新屎坑兩隻都買過嚟煮. 個人喜歡Beyond Burger多的。佢冇豆製品嗰種口感,食起嚟似肉多啲。亦有肉味。