Sicilian orange salad 西西里香橙沙律

話說早前意籍同事有啲西西里直送嘅橙同橄欖油。開工時間唔見咗人,原來匿埋喺廚房整西西里香橙沙律畀大家食。

才料簡單又好味. 我即刻喺屋企copy cat啦.

甜橙切件,洋蔥切粒,然後淋啲橄欖油。鹽，胡椒調味就得。（我咁啱有柑,咁就用嚟代替橙。）食時伴點咗橄欖油嘅麵包再點啲沙律汁係非常好味㗎。 

有同事問到呢個係咪早餐嚟嘅呢?
意籍同事解釋呢個係正餐嚟㗎。因為啲果農就地取材，而洋蔥隨時都會有,所以有咁嘅食法。