中秋

 中秋，我當然係冇慶祝活動啦。其實我仲差啲唔記得咗添呀。

話說天體營嘅街坊婆婆話舊年我請佢食嘅月餅好好食呀。今年我買開幫佢買埋喎。佢唔講真係唔記得咗中秋。

口就話好啦好啦，因為唔知買唔買到港貨嘛。

幫襯開嘅荷蘭網店有貨。但係40歐一盒，佢未必會買喎。於是打算送一個畀佢。

我只買美X月餅。真香港製造。嗰啲香港冇嘅香港月餅（其他牌子, X誠月餅就未見過。）其實呢度中超好多㗎。

講開，香港註冊扮香港公司其實N年前喺啲展銷會有好多㗎。睇個公司英文拼音名同啲員工打扮，一睇就知係祖國嘅同胞。西人唔知真係會畀佢呃到㗎。