長征六千里 Day 1

話係識途老馬，其實都有十幾年冇去過日本。出發前嘅幾個月就不停煲yt 更新一下日本嘅小知識。

4 月 5 入境，已經download咗個Visit Japan Web嘅QR code，話會快啲喎。點知入境嘅關員拎住我本護照驗屍咁驗。首先唔知係咪奧地利嘅護照頁面太光滑呢。佢scan咗好多次都scan唔到資料嗰頁。

另外亞洲人拎住本歐洲護照，完全冇去過旅行嘅入境印（我因為只去歐盟國），本嘢十成假㗎喇。佢逐頁照紫外光。又有用放大鏡照我幅相嘅四隻角多次。等到我後面嗰位唔耐煩 (multi queues)。

成功入境就要㩒錢，買pasmo passport，搭最平嘅機場巴士。

去日本其實冇打算睇到櫻花。點知香港嘅資訊日日都提。見話預測滿開嘅時間只係早我到埗幾日。於是買埋個睇櫻花app。到埗即時check 吓仲有冇得睇啦。

時差關係非常肚餓，第一件事係買嘢食。。。當然係好睇唔好食。。。

日本賞櫻我都係第一次。（周圍都好多香港人）

見到櫻花雪糕又買。（鹽漬櫻花，鹹味雪糕）

之後就去下一處。

呢度就失色好多。

之後走去某壽司國際旗艦店。

約六點三到

最快嘅二樓counter 位要等廿五分鐘。

最後居然有卡位。

鄉下仔當然唔係好識點order啦。（雖然已經喺yt見識過）

Order 時揀咗要玩games，最後有兩隻扭蛋。

特別準備咗本簿扱印。友人見到又話要當晚去七仔買一本記事簿。