2013年12月12日星期四

生活瑣事

今日某報紙都有報導『掟你路姆西』
噚日我想去買架. 於是搵人車我去啦. 點知去到搵唔到位泊車,仲要爆咗軚. 真黑仔.
爆軚時聲響巨大,成架車都震咗吓. 仲以為有人想暗殺港國王子添.
某間連鎖假日本餐廳有個港週.
上網睇吓佢有乜港美食先....豆瓣醬炒XX, 豆豉醬炒XX. 搵鬼笨!!
知道麥記出咗新包,第一時間去幫襯.
啲餡同佢宣傳照係完全倒轉. 個餐要八歐!
以為佢係一隻隻蝦. 咁佢又真係一隻隻,但唔知用乜方法佢哋係可以排咗一個蝦餅出嚟.
講開又講吓佢個服務先. 呢度食麥記唔一定快. 我食呢個要等. 收銀姐姐話到時拎畀我. 咁我食住薯條先啦. 等咗十分鐘,薯條食晒都未嚟. 等等吓見個收銀姐姐去咗小休. 咁我係咪要等佢小休復出先有得食呢? 可能有第個人拎畀我都未定. 繼續等. 5分鐘過後最後忍唔住走去counter. 我未出聲亞經理已經知我想. 佢係咁sorry sorry.....頂!!!
某日過暖河時入咗一間高級超市. 佢啲購物車左邊有個窩心設計.
好啱我呢啲老人家.

62 則留言:

  1. 購物車設計,讚!
    八歐麥記包,貴!

    回覆刪除
    回覆
    1. D packing太多細字,有呢個設計好方便.
      八歐個餐比平時貴可能係有蝦o既關係.

      刪除
  2. 乜王子同人搞到車震咁激呀!哈哈!
    個餐咁貴啲服務仲咁差架!係唔係一直都咁差呀?
    手機個拍照zoom 大 功能都可以做王子老花鏡。

    回覆刪除
    回覆
    1. 巨震,好驚呀!
      普遍呢度d服務係好差架
      我手機冇zoom大喎.

      刪除
  3. 個收銀即係一早知又唔做,佢係懶! 哈哈~

    回覆刪除
  4. 有冇買到公仔?
    咁下次記得電下個收銀姐姐等佢記得拎畀你囉
    用來睇價錢和過期日子呀?

    回覆刪除
    回覆
    1. 冇啦, 都冇位泊車, 之後爆咗軚要急急去搵車房.
      價錢,過期日子呢度都幾清楚架. 但係成份寫得超細.

      刪除
  5. 如果我下次經過都想睇下隻路姆西。
    我度啲服務又係咁,要等佢哋吹夠水、做完嘢、玩完手指先考慮下招唔招呼個客。

    回覆刪除
  6. 吓?唔係化?專登搵人車你去買路姆西?

    回覆刪除
    回覆
    1. 我覺得去姨媽去唔方便,咪搵人車囉.

      刪除
  7. 八歐!哇!不過你慣左啦唔覺貴,我就話佢超貴!貴過24hr card.

    回覆刪除
    回覆
    1. 呢個餐比平時貴咗架. 可能係有蝦o既關係

      刪除
  8. 香港人無啦啦就幫隻lufsig免費大做宣傳, 係未Ikea嘅市場策略黎架?

    回覆刪除
    回覆
    1. 要起吓o個位掟o野仁兄個底先.

      刪除
  9. 放大鏡購物車我呢度有好耐喇,不過無蓋的. 

    回覆刪除
  10. 我呢度都有麥記新野, 話係 bagel, 我索左整整兩張紙巾都係油, 劣劣劣

    回覆刪除
  11. D蝦排得好靚喎~ 王子覺好唔好食呀???
    而家HK玩緊monopoly, 我都冇食過......因為麥記唔多夠飽....哈

    回覆刪除
    回覆
    1. 我覺好食架.
      我見HK麥記 e+有飯食喎.

      刪除
    2. 唔知而家仲有冇呢....因為我都好少望....
      不過一般食評都話唔夠飽....女士可能岩岩好.....

      刪除
    3. 唔夠飽架?! 睇佢好似好大.

      刪除
  12. 回覆
    1. 呢個餐比平時貴咗架. 可能係有蝦o既關係

      刪除
  13. 嗰包有好幾隻蝦噃,怪得之咁貴。

    回覆刪除
  14. 我噚日都有去姨媽道, 唔見老母西喎!

    回覆刪除
  15. 我都想食個蝦包呀!!!!!!*O*
    (奧地利普遍快餐服務都慢?)

    回覆刪除
  16. 外國人的節奏係咁,只有香港節奏先會拿拿淋…

    回覆刪除
  17. 大把人想暗殺隻一男子,香港腳冇咩價值, 你就安心活係度吧啦.
    d蝦用少少麵漿煎下咪成個餅囉.你應該跟埋個姐姐入去小休嘛.

    回覆刪除
    回覆
    1. 香港腳係生化武器黎架. 國國都搶住要.
      麵漿煎下? 你示範黎睇睇.

      刪除
    2. 你有sense麥記點用個圓模煎蛋就知啦!
      低低地同你溝通好有困難!

      刪除
  18. 嘩你嗰處麥記做嘢咁慢又冇責任感 , 明明跟開你的單都會走咗去0架 , 如果喺香港肯定比顧客鬧 lu .

    回覆刪除
    回覆
    1. 我估呢邊係冇人會投訴. 因為投訴係冇用o既.

      刪除
  19. 王子貢有心專程去買竟然爆軚咁大鍋!!
    蝦包想試不過又好貴下!
    購物車有放大鏡@@

    回覆刪除
  20. 估唔到你地報紙都有老母x ! hahahahaa... 我諗現在全世界人都識呢句香港粗口!
    嘩,個包個樣好正,貴就貴d.. 好吃嗎?
    what a friendly design !! optician also said ET will be 老花 next year.. 近視都淺dd

    回覆刪除
    回覆
    1. 報紙冇解釋個粗口架. 唔係中文人好難會明.
      個包好食架. Anyway我要求好低,多數包我都覺得好食.
      我 近視淺得好快. 老了老了

      刪除
  21. 放大鏡黎架?真係未見過呀!

    回覆刪除
  22. IKEA呢次真係無端端發達. 下次麥記一定贊助用漢堡飽掟狼震鷹, 食住條水上.

    回覆刪除
    回覆
    1. 咁麥記個飽要起番個好名先.
      另外杏+橙銷路又有冇大增呢??

      刪除
  23. 路姆西改左名喎~真攪笑.

    回覆刪除
  24. 某 D 報紙 真係不知所謂!

    回覆刪除
  25. 個餐都幾貴!一次半次冇所謂。咁之後有冇買返個公仔呀?

    回覆刪除
    回覆
    1. 冇買啦. o個日急急去搵車房. 自己去姨媽我又覺得唔方便

      刪除
  26. 『掟你路姆西』係咩意思?

    回覆刪除

入咗嚟,不如寫幾隻字,留個言啦.