2014年10月13日星期一

結婚展

10月5去咗市中心呢個Palais Auersperg.
Auersperg貴族呢個宮殿呢日有個結婚展.
唔使恭喜我,唔關我事架! 因為呢度我未嚟過,而結婚展又免費,咪入去參觀吓囉.
擺咗好多皇帝像. 呢個貴族真識刷鞋.










睇完啲房,咁睇吓結婚展仲有啲乜展出啦.
租DJ,我估冇.
蠟燭....白色...我估港都係冇.
檔有試食. 幾好味.
禮堂布置
中間底下嗰款,61cakes417,貴唔貴呢? btw乜原因係單數呢??
鮮花公司
傳統薑餅結婚版.

呢檔可以order有自己個樣
我好肯定香港冇呢個租.  
新人做莊,現金落注,贏咗只係有禮物. 新人一定有得賺.
Btw個後花園唔大.

58 則留言:

  1. 真係咩展覽都逃不過你,你邊度搵到咁多資料?

    回覆刪除
  2. 要成$70港幣一件餅,都算貴!

    回覆刪除
  3. 係宮殿睇結婚展又幾特別,如果俾我在場,一定幻想係個度結婚

    回覆刪除
  4. 香港好似都有租DJ喎, 呢樣野都唔算新奇啦.
    乜你到依家都未搵到頭好人家娶你咩XXD
    有免費試食先係主菜.

    回覆刪除
  5. 61件cakes要417歐我度算係平
    Internet話:The odd numbers are luckier喎

    回覆刪除
    回覆
    1. 我真係唔知市價.
      原來係咁. btw只係德文人係咁??

      刪除
    2. 唔係呀,好多歐洲國家都係咁,會用odd and prime number(such as 61),個原因幾得意:1. odd number (because an odd number is not divisible by 2. This represents the idea that the number can not be divided as so, the new couple will never be divided or brake up.), 2. prime number (because prime numbers are divisible only by unit -1 – by themselves and no other number. The unit -1 – symbolizes that only one thing, death, can separate the couple and the division of the numbers by themselves symbolizes the fact that the wife and husband themselves and their egos can bring their union into separation)

      刪除
  6. 香港有麻雀耍樂,西式結婚流程好似唔夾喎,喺邊度放得入呢?賭品唔好咪搞到不愉快破壞氣氛囉!
    結婚蛋糕每磅要二百幾蚊,1磅可切4~6件。
    啲sales多唔多靚女?

    回覆刪除
    回覆
    1. 有著咗婚紗靚模,但冇男模囉.

      刪除
    2. 包到實晒,呢個唔係底底展喎!乜好睇。

      刪除
    3. 包到實晒先可以幻想嘛. 好似去天體浴場大把你睇,你又唔覺好睇o既啦.

      刪除
  7. 結婚禮服在香港可以及多數人會租, 我呢度多數要買架, 可能因為咁, 啲人寧願唔結婚......kakaka

    回覆刪除
  8. 香港反而係比帛金先係單數,白事唔好「成雙」嘛,只係囍事先用雙數,雙喜臨門 :p

    回覆刪除
  9. 奧地利睇嚟心思思有件事, 人生大事近矣.

    回覆刪除
  10. 睇得結婚展, 通常都好事近, 莫非王子就嚟......

    回覆刪除
    回覆
    1. 你成日講煮嘢畀屋企個鬼鬼試味......
      我仲以為你地爭一紙婚書......

      刪除
  11. 睇結婚展,香港每年都有架。

    回覆刪除
  12. 這裡也有event company 租DJ, Emcee, Singers....

    回覆刪除
  13. 如果有禮服試穿就正^^
    開賭喱個idea正喎有賺無蝕kakakaka

    回覆刪除
    回覆
    1. 開賭幾好吖,唔使為咗禮金唔開心.

      刪除
  14. 個palais好靚呀!用來做場地一流!

    回覆刪除
  15. 估唔到宮殿可以BOOK來結婚, 攪到我想試下添
    (不過應該無錢BOOK, 哈哈哈哈哈!)


    珮夫人

    回覆刪除
    回覆
    1. 試啦,試啦. 幾時拉埋天窗??

      刪除
    2. 到有呢一日一定會通知大家既

      珮夫人

      刪除
    3. 一定要啦. 我同你訂定呢個場嘛.

      刪除
  16. 將d錢用尼去旅行仲好啦…

    回覆刪除
  17. 咁多展覽免費嫁~~~~ 奧地利係咪一個好好福利的國家???

    回覆刪除
    回覆
    1. 同國家福利冇關. 係睇你用乜方法吸引人去囉.

      刪除
  18. 新人做莊, 邊個去敬酒....

    回覆刪除
  19. 西方人結婚都比較簡單舒服,香港人結婚好似攪歡樂滿東華咁!

    回覆刪除

入咗嚟,不如寫幾隻字,留個言啦.