2014年11月5日星期三

Martini-Gansl

1111係呢度一個宗教節日Martinstag, 紀念聖人Martin of Tours (可惜呢日唔係公眾假期).傳統係會食鵝. 所以呢排超市都減價速銷.  
有日見某間超市急凍特價41kg. 咁平,一次過買咗兩隻. 一隻整咗燒鵝. 另一隻整奧地利焗鵝啦. 食譜跟報紙呢個.
鵝身內外搽上鹽,胡椒, marjoram, thyme, rosemary (食譜冇份量. 3Kg,每種香料我落兩茶匙 ). 入面塞入一個切粒洋蔥同兩個切粒蘋果. 封口,紮起兩邊腳一齊. 切去鵝翼,入焗爐200C焗佢三十分鐘迫啲油出嚟. 走油後喺焗盤放入一個洋蔥一個蘋果粒同1.5L. 100C焗佢三四個鐘. 期間同佢轉吓身,用啲汁淋吓佢.  
食時切出胸肉,鵝脾. 用上火焗佢5分鐘令啲皮脆.
超市分享嘅秘訣係每1kg鵝焗一個鐘. 令啲皮脆要時不時用啲汁淋吓佢.
通常係拌紫椰菜同Knödel. 德奧菜一個個波咁Knödel我唔食. 我食薯仔好過. 紫椰菜用咗現成.  
味道似食焗雞囉. 都係點燒鵝醬食好味啲. Btw吓次要學吓人點上碟.
出去食半隻焗鴨正價要13歐架. 呢個價錢我有一隻鵝了.

49 則留言:

  1. 厲害,有跟人分甘同味嗎﹖

    回覆刪除
    回覆
    1. 兩隻都係同人分. 大家都話好味.

      刪除
  2. 你有冇用返d鵝油炸薯條, 用鵝油or鴨油炸既薯條係最正既,米豬蓮3星都係咁整.
    what the hell is"入邊室入"XXD呢幾隻字邊度copy返黎架, 咁鬼黑體.

    回覆刪除
    回覆
    1. 鵝油炸薯條太邪惡.
      之唔係打錯字囉. 係塞入去.

      刪除
  3. 燒鵝都識整! 勁!
    隻鵝有無同人分享?

    回覆刪除
    回覆
    1. 兩隻都有同人分享. 大家都話好味.
      燒鵝唔難架. 你都整啦.

      刪除
  4. 隻鵝都唔係好大咋喎,我度成5kg1隻架,隻鵝多唔多肥膏呀?

    回覆刪除
    回覆
    1. 我呢度多數係3kg.
      隻鵝焗咗差唔多一碗油出黎.

      刪除
  5. 鵝油含83%不飽和脂肪酸,食咗會變成好膽固醇,踢走壞膽固醇,適量食用係有益身體架。雞就唔好,因為佢係會變成壞膽固醇嘅飽和脂肪酸,要避食雞皮同雞油。你唔識寶,科健康教育零分。

    成功copy一模一樣,勁贊!

    回覆刪除
    回覆
    1. 咁好架?! 咁我要鵝油開水飲.

      刪除
    2. 乜你平時都係橄欖冲水飲咁得意架!

      刪除
    3. 我知超市有鴨油賣, 都唔平㗎, 但我唔知點用?

      刪除
    4. 點解咁大懵,你地講緊鵝而我就同你講鴨,哈哈,呢的叫鵝同鴨講!

      刪除
    5. 搞一爺: 平時係索油多.
      Shu Siu> 我度有鴨油賣架.

      刪除
  6. 自己整係抵食好多,我都鍾意食鵝,不過唔鍾意食冰貨。

    回覆刪除
    回覆
    1. 我呢邊鵝鴨多數都係急凍, 冰鮮唔係時時有.

      刪除
  7. 法國有一味橙酒燒燴全鴨, 也有用酥皮包住鴨來焗, 唔知你度有冇人整?
    而你整呢隻鴨要三四個鐘, 好似有啲耐喎!

    回覆刪除
    回覆
    1. 好彩及時發覺到,可能我呢度冇鵝賣,所以回應時就只想到鴨,真係擺哂烏龍!

      刪除
    2. 酥皮包住鴨奧地利未見過. 多數只係焗.
      原來你度都係冇鵝食

      刪除
  8. 好耐無食過鵝,我未見過呢邊嘅西超有鵝賣,而家就有好多火雞賣.

    回覆刪除
    回覆
    1. 我e+先知原來有d地方係冇鵝食

      刪除
  9. 回覆
    1. 你睇錯喇. 係4歐一kg,呢隻係3kg即係12歐

      刪除
  10. 回覆
    1. 冇影呀. 因為以前出個燒鴨post.

      刪除
  11. 我都好想整燒鵝呀, 但呢邊係無鵝賣架. :(

    回覆刪除
  12. 食指大動!!!!!!!!!!!
    垂涎三尺!!!!!!!!!!!

    回覆刪除
  13. 呢款燒鵝同焗鵝, 係咪未來王子餐廳的涮靚招牌之作呢??!!

    回覆刪除
    回覆
    1. 咁多功夫,一定唔會o係我未來餐廳出現

      刪除
  14. 其實香港鏞記幾兄弟唔洗爭, 搵個過嚟貴國發展, 相信會好好.

    回覆刪除
  15. 唔係公眾假期, hmmmm....
    燒鵝同焗鵝, wowowoowww.... yummy !

    回覆刪除
  16. 你好利害呢!燒鵝都會整!

    回覆刪除
  17. 連燒鵝你都識整真係冇乜嘢難倒你喎 , 隻鵝體型冇香港滷水店的鵝咁大隻 , 這些是否 bb 鵝嚟呢 ?

    回覆刪除

入咗嚟,不如寫幾隻字,留個言啦.