2015年6月18日星期四

Festival der Nationen

睇完樹林歌劇。肚仔餓快快去下一場搵食.呢日軍事博物館有呢個Festival der Nationen (Festival of the Nations).

幾多食物選擇。
亞美尼亞
蘇丹
庫爾德,似印度咖哩
馬其頓只有甜點。
西藏,食咗糢糢(momo). 糢糢被配菜遮晒.  3歐三粒.
又幫襯咗印尼嘢
蕉葉包呢舊嘢唔知係乜名堂。係粟粉制嘅麵糰,中間疑似係蕃薯同香蕉。唔好食嘅。
以下都係一歐幾一舊,春卷係熟識嘅印尼味道。
仲有不停嘅表演睇.
小朋友跳印度舞。
啱啱遇上台灣團體表演。呢位小朋友嘅猴拳,醉拳有辦有眼.

耍太極似跳舞多啲。




以下呢位哥仔啲功夫似cat fight.
阿里山的大嬸們。

亞美尼亞
大嬸嘅鬆鬆肚皮草裙舞。
飲胞食醉,唔睇落去,返屋企lu.


(中央社台北15日電)奧地利國際文化協會當地時間14日,在奧地利維也納軍事歷史博物館中庭廣場,舉辦一年一度「萬國節」(Festival der Nationen)活動。 參加盛會的包括中華民國與地主國奧地利,另有孟加拉、日本、俄羅斯、印尼、巴拉圭、伊拉克等共16國,各國提供具有本國特色的文化表演節目,並設置攤位展售特色食品或紀念品。 「萬國節」自去年起移至維也納著名景點駐奧地利「軍事歷史博物館」前廣場擴大舉辦,並每年均設定主題國,去年是中華民國,今年是孟加拉。 駐奧地利代表處策劃本次代表中華民國的文化表演活動,以及協調中華民國婦女聯合會奧地利分會設置文化攤位。 中華民國文化團隊的表演首先由功夫大師王進成指導羅翰立及羅歐楷等的功夫舞獅,還有中華民國婦女聯合會奧地利分會表演原住民舞蹈「站在高崗上」等精彩節目,歷時約30分鐘,獲得觀眾熱烈掌聲。

38 則留言:

  1. 回覆
    1. 好多都係炸o野梗係唔啱你啦.

      刪除
  2. d野食真係睇見都唔開胃.
    豆丁印度舞好似各有各跳喎.

    回覆刪除
    回覆
    1. 佢哋係幼稚生唔好要求咁高。

      刪除
  3. sent u an email yesterday , dunno if i got the right address thou , could you please check? :)

    回覆刪除
  4. 除咗西藏同印尼,對他未食過,想試吓。
    業餘水平Hea 笑吓算啦!

    回覆刪除
    回覆
    1. 我反而想食熟識嘅o野,可能係懷念個味道。

      刪除
  5. momo西藏friend整過俾我食,似餃子

    回覆刪除
  6. 好多檔啲食物都係無遮無掩,好怕有烏蠅喎 :p
    第10張第一件係咩嚟㗎?

    回覆刪除
  7. 有咁多好睇好食嘅節日,我一定唔會咁快就走!

    回覆刪除
  8. 話晒係Festival of the Nations點解得咁少國家既?

    回覆刪除
  9. 有嘢食, 又有表演睇…算唔算雙重娛樂呀?!!

    回覆刪除
  10. 食咁多立雜嘢會唔會肚仔痛?

    回覆刪除
  11. 又有咁多嘢食...又有表演睇…正!

    回覆刪除
  12. 有一個古板感覺是博物館外攪嘉年華擺地攤,就如新約聖經耶穌在猶太聖殿前見到的市場,污煙鄣氣。

    回覆刪除
    回覆
    1. 其實唔搞呢啲節目間博物館唔係咁多人去㗎咋. 佢地點唔太方便。

      刪除
  13. 好開心呀....咁多國家既食物可以揀~
    肥人我最鍾意就係食架啦...哈哈!

    回覆刪除
  14. 食咁多熱氣野,又冇涼茶飲,點算!

    回覆刪除
  15. 全部野都唔啱食X2
    王子煮D好味過佢啦!

    回覆刪除

入咗嚟,不如寫幾隻字,留個言啦.