2015年11月27日星期五

公眾澡堂

維也納冇乜嘢新鮮事。咁摷吓存貨有乜好講啦.
離我屋企十分鐘路程嘅地方, 有一座公眾澡堂Einsiedlerbad. 建於1890年. 係維也納最古老仍然運作嘅公眾澡堂.

大人兩歐(好似,睇唔清楚張相),18歲以下免費。

依家仲有冇人用㗎?次次經過都唔見有人山入囉.
大家有冇個諗法,叫晒屋企18歲以下嘅去呢度沖涼,慳番啲水費呢??
維也納我估冇人咁做囉. 因為水費係包咗入大廈雜費度.大廈嘅水費單係按你家庭人數,單位大小去分攤。你慳咗嘅水只係益大家。

32 則留言:

  1. 水費行共產主義?慳咗唔係直接落自己荷包,咁就一定用多咗水。

    回覆刪除
  2. 叫晒屋企18歲以下嘅去呢度沖涼>> 我想起八卦新聞, 有D阿太會叫自己工人姐姐到會所沖涼

    回覆刪除
    回覆
    1. 呢啲顧主真係好人,工人姐姐都可以去會所. kakakaka

      刪除
  3. 有d人去游完水順便沖左涼就返屋企唔再沖了.

    回覆刪除
  4. 依家仲有呢D澡堂架?有人屋企冇浴室?

    回覆刪除
    回覆
    1. 可能有都未定。我知有啲舊樓係冇浴室㗎,但係好多人都會自己間開個廚房整浴室囉.

      刪除
  5. 公眾澡堂係現代城市有乜作用呢?

    回覆刪除
    回覆
    1. 我知有啲舊樓係冇浴室㗎,但係好多人都會自己間開個廚房整浴室囉.

      刪除
  6. 以前都係全包㗎,但上年市府諗縮數幫每家每戶裝了水錶,而家若照以前用水法(我屋企得兩個人住)咁要俾多50%都唔止,仲貴過香港多多聲,要二千幾港元咁上下!

    回覆刪除
    回覆
    1. 聽講我住呢度嘅市政府最叻係掠水,如果唔係邊又有糧出呢……哈哈!

      刪除
    2. 原來水費唔同城鄉唔同收㗎。

      刪除
    3. 收費不同,差額可能在10%咁上下,如果未有水錶的地方就劃一按地段大小收費!

      刪除
    4. 要搬去平水費嘅地方住。

      刪除
  7. 冲涼一次兩歐,瞓街個d人冲涼唔冲涼呢?

    回覆刪除
    回覆
    1. 瞓街個d有明愛嘅露宿者之家,冲涼免費㗎。

      刪除
  8. 鬼佬都係朝早沖涼,可能你要朝早走去八吓先見到人幫襯掛?:p
    如果無人幫襯佢點經營得到呢?唔會執笠咩?
    btw,你度啲水應該好純淨,係咪阿爾卑斯山山水嚟㗎?你係咪習慣咗就咁飲水喉水呢?

    回覆刪除
    回覆
    1. 有可能喎.
      呢個算係市營㗎。
      冇錯,係阿爾卑斯山山水. 水喉水就咁飲. 飲慣咗,其他地方嘅水喉水我覺得好難飲㗎。

      刪除
    2. 我都係飲水喉水,但就要用濾水器將啲水過濾先飲囉,我度啲水係加咗fluoride㗎
      咁你又使唔使用濾水器?政府有無將啲水加料㗎?

      刪除
  9. 如你所講,係中國人地方就大獲了,中國人大部份環保意識極度薄弱,有幾多水就盡用⋯

    回覆刪除

入咗嚟,不如寫幾隻字,留個言啦.