2017年6月6日星期二

又嚟Opatija

5月30離開奧地利,又嚟克羅地亞Opatija呢個老地方.

亦住喺老地方. 友人就book咗另一間酒店。
半驚喜。
因為知道酒店晚飯時有唱生日歌呢個環節,但以為係要訂蛋糕先有. 原來酒店喺check-in時已留意到, 晚飯時主動同你慶祝。
酒店經理,餐廳員工個個都嚟恭喜你.仲有專人影相, 第朝就有紀念照同CD.
個蛋糕雖然唔係好大個,但係食飽飽晚飯真係食唔落。原來餐廳係可以同你keep個cake. 所以第二日叫友人們過嚟我酒店一齊解決咗佢.
酒店每晚都有音樂表演。第一晚有嚟自好似保加利亞嘅歌劇演唱。


另外兩晚係克羅地亞歌曲。

膳食方面.....
鄉下仔未食過呢樣嘢
似zucchini花。
又食咗呢個地區嘅特產Fuzi. 啲粉係摺成咁的。
食完先覺得隻scampi少咗啲嘢。。。

主菜
睇咗幾碟嘢有冇發現一個共同特色呢??
乜都起泡的。
食完甜品,我覺得我係一位當代藝術家。
酒店間尖有部古董舉重器.
嚟呢度主要係hea.四圍行吓.


興建中嘅泳棚(我估連餐廳)。









如果唔係友人間酒店喺呢頭,我都好少行到咁遠。
除咗睇見就唔想買嘅紀念品檔(相後邊)....
仲有好多遊船檔. 呢隻明顯係侵權。
睇雜誌話市中心有個古力博物館.  入到去原來只係糖果店。
古力工房冇人開工的。
初初唔知佢食梗乜.  原來係魷魚。
例牌超市購物。冇乜嘢買到。
海鹽都買包,因為喺奧地利某超市買嘅海鹽係made in Austria. 奧地利邊度搵海呀。。。。

36 則留言:

  1. 祝膚色黑到近似賓仔嘅壽星公生日愉悅 身體健康。

    回覆刪除
    回覆
    1. 你用錯字。係壽星仔呀!!!

      刪除
  2. 點解咁黑架? 非洲王子? 生日快樂呀!

    回覆刪除
    回覆
    1. Thank you.
      我係黑咗好難白番㗎。未白晒又曬過.

      刪除
  3. 我啱啱想問點解食物有咁多泡泡而你就寫了出來…我也想知道呀?可能是那些汁液內油的成份佔多了吧?

    回覆刪除
    回覆
    1. 我只係諗到可能個廚師做到嘔泡。

      刪除
  4. 幫自己打埋蝴蝶結, 收禮人邊個呀
    zucchini花意式會釀埋ricotta cheese入去.

    回覆刪除
    回覆
    1. お誕生日おめでとう!!!

      刪除
    2. 自己收禮.
      佢呢個好似只係炸漿.唔覺有cheese.
      Thank you.

      刪除
  5. Opatija海岸幾靚喎,好啱Birthday trip~~!!
    29+Nth生日快樂呀^^
    btw,快啲傳授啲食極唔肥秘訣來聽下XXXD

    回覆刪除
    回覆
    1. Thank you.
      Birthday trip去邊都可以啦.
      肥嘅地方你見唔到啫.

      刪除
  6. 當代藝術家 Happy Birthday !!!

    回覆刪除
  7. 生日快樂!啲汁起泡係咪好味啲。

    回覆刪除
  8. 補祝生日快樂!
    年年都o黎呢度o架!

    回覆刪除
    回覆
    1. Thank you.
      呢度都有年半冇嚟喇。

      刪除
  9. 生日快樂🎂🎂
    工作順利!

    回覆刪除
  10. 來遲左,祝王子你生日快樂,快D開間美食餐廳招呼各方網友。
    最緊要身體健康!︿︿

    回覆刪除
  11. Fuzi粉我喺網上見啲圖係整成圓筒狀,有啲煮完仲係圓筒狀,有啲煮完就會扁咗,好似你食嗰啲咁
    你有無問點解樣樣都起泡?我唔鍾意起泡,整smoothie時會畢走啲泡
    又會咁啱比你影到隻真海鷗企喺Maiden with the seagull頭頂
    古力工房嗰間係咪朱古力屋仔?個屋頂好似比人咬咗一忽
    啲海鷗喺邊搵到魷魚食?
    made in Austria嘅鹽真係有寫明係海鹽?個樽有無寫邊個海?我屋企個海鹽樽有埋地圖顯示啲鹽喺邊嚟,如果你個樽無寫,試吓去佢哋官網睇吓有無資料,其實你可以用Alps salt,我度啲人興用Himalayan salt,有啲人會買一大磚Himalayan salt block(好似砧板咁大塊嘅鹽板),然後放喺爐頭上加熱,再放食物喺塊鹽板上煮熟佢,我見而家啲香港人去BBQ都識得帶埋塊鹽板去

    回覆刪除
    回覆
    1. 冇問呀。廚師可能做到嘔泡啦.
      唔係,古力工房係一間酒店cafe內。
      自己打獵卦。
      我買嗰盒乜資料都冇.只係話自己係海鹽但係係一間奧地利公司喎.我呢度係用岩鹽。但我驚唔夠碘。

      刪除
    2. 海鹽只有好少碘咋,食海鮮同紫菜啦 :p

      刪除
    3. 廚師可能做到嘔泡啦 <-- 哈哈,笑咗 XD 咁你食晒廚師嘅嘔吐物,好味嗎?

      刪除
    4. Google搵咗兩篇都係話海鹽同岩鹽係冇分別喎.

      刪除
    5. 咁你每日用個一丁點鹽,就算有分別都無用啦,最緊要係產地未受污染,我之前講嘅Himalayan salt 係喺喜馬拉雅山嚟嘅,海拔高未受污染,你度可以買Alps salt, 阿爾卑斯山應該仲好乾淨
      btw,你度啲岩鹽咩色㗎?Himalayan salt 係粉紅色嘅

      刪除
    6. 超市嘅係白色。如果買即磨嗰啲係粉紅色㗎。

      刪除
  12. 吓?我度超市有即磨咖啡粉,即磨花生醬,你度竟然係即磨鹽!!
    你睇住佢幫你用機器即磨??

    回覆刪除
    回覆
    1. No,no. 好似樽裝胡椒,擰擰吓自己磨嗰種呀!

      刪除

入咗嚟,不如寫幾隻字,留個言啦.