Buskers Festival Wien 街頭賣藝

一連三日嘅Buskers Festival又嚟喇。9月8放咗工就標咗去睇.

咦？舊年睇過.

唱歌冇乜人睇.

畫畫都係街頭賣藝。

又係舊年睇過....

呢位太多人圍,都係唔睇佢嘞。

舊年都有呢位.因為佢口水多過茶，時間關係舊年冇睇晒。所以今年停低睇佢啦.
首先畫線，觀眾唔可以過界。

特別畫咗個泊位畀呢位車主。

亦同舊年一樣口水多過茶。但係引得個個哈哈笑。

9月9 又嚟睇.啱啱有魔術表演。

其實都估到佢想變乜.

之後等睇木偶。
高空飛人木偶第一次睇.唔知佢點控制。

下個故事係一位科學家用藥整一位美女.

美女想再靚啲，索性成樽藥飲咗佢.

個美女木偶眨吓眼變咗個亞婆。

然後表演呢個話係全世界最細嘅木偶。

四圍去爬喺啲小朋友度.

土耳其舞。

最後個故事係街頭藝人嘅困景。。。

冇人畀錢...
其實個個藝人都會提你畀錢.而呢位話你畀廿歐佢會送你一個紙木偶。

等下一位變魔術。

開始時叫人有垃圾要袋好拎走。佢放咗個樽入紙袋就揸埋一舊。但係觀眾get唔到呢個係魔術，冇人有反應。

見慣見熟嘅啤牌魔術。

又係見慣見熟嘅繩結.

表演食紙巾。搵人試食。坐個前面一位大約四五歲嘅小朋友就一邊睇一邊同佢個friend解釋個魔術係點假。講得好有道理㗎。

魔術師用咗五歐引咗呢位小朋友出嚟表演。佢出咗嚟但係想喊想喊咁.個魔術師就不停叫佢唔好喊唔好喊。而位小朋友都冇留心佢手上嘅波由一個變咗幾個.

我最唔like呢part食煙嘅魔術。都唔知係咪鼓勵小朋友食....

入黑了.

有火睇.

揈LED棒。

搵人出嚟試吓噴火.