Kolač od jabuka 蘋果蛋糕

喺克羅地亞食譜書中見呢個Kolač od jabuka蘋果蛋糕幾似波蘭友人整嘅。於是試吓啦.

餡＞750g 蘋果去皮刨蓉，225g 糖，一個檸檬汁，兩湯匙冧酒（我冇落），半湯匙肉桂粉. 蘋果，糖猛火煮五分鐘。落餘下材料煮至收水.待涼，備用。
麵團＞370g 麵粉，一湯匙發粉,165g 牛油，165g 糖，兩隻蛋，一個檸檬皮，兩湯匙冧酒（我冇落），半茶匙鹽。
牛油，糖，一隻蛋，檸檬皮，冧酒，鹽撈好.篩入粉類。搓好.雪一個鐘。麵團分兩份.碌到大約1cm厚。 一份先入爐焗十分鐘。之後舖上蘋果蓉，然後餘下麵團. 面頭篤啲窿窿,搽上蛋水,灑啲糖再焗.

個麵團都幾乾吓.我放上面時自動解體。所以個面變咗唔平滑.

蛋糕質感唔係鬆軟嘅蛋糕。似牛油皮多啲。(所以唔似波蘭版）
幾好味.但係就超級甜。下次一定要減糖。餡同麵團都要.