炎夏雜記

差唔多係成個月前。
6月30, 每年city hall廣場嘅Filmfestival。

逢禮拜日都有jazz。

舊年食越南嘢，今年都係.

自從歐盟禁咗一次性膠用品後, 好多餐廳都用紙飲管。
紙,大家都知會有乜問題。杯嘢飲太耐支嘢會軟晒。

同日去咗一個慶祝公屋一百年嘅活動。

地點係奧地利知名嘅公屋Karl Marx Hof。

但係呢日烈日當空，人丁單薄。

台上有遊戲。而當時台下得兩位觀眾。

都係閃人.

7月3去咗Perchtoldsdorf睇話劇。劇目係Anton Tschechow嘅Onkel Wanja (英文Anton Chekhov嘅 Uncle Vanya)

舞台幾特別.咁樣代表一間屋。
演員字正腔圓，可惜內容好難明。

中場休息時就走人lu。

 7月6又去睇話劇。今次嚟到Rosenburg.

成兩點都未食lunch. 所以去上次間餐廳。點知決定錯誤。因為有話劇嘅關係, 廚房出菜要快, menu只有兩款主菜。一款上次食過. 所以揀咗維也納炸子牛扒。成廿毆一碟，又唔係特別好味. 出年唔會嚟食。（太餓，相都冇影)

城堡有馬術表演，演員等出場。

下次會嚟劇場食.平啲又多選擇。

呢度主要係上電影改編嘅喜劇。

劇目係N年前嘅電影Amadeus。
可惜一啲都唔好笑，笑料都係啲屎尿屁。。。麻麻.
最好笑嘅一幕係一位演員揈甩咗個咪.著咗古裝嘅工作人員行個宮庭禮先幫佢黐番個咪.

呢日熱到呢... 唔只底褲濕，面褲都濕埋。都係提早走人.