長征六千里 Day 11

4月 15 嚟到京都。首先買巴士地鐵嘅一日票。

去售票機睇啦。冇呢個選項喎。於是去tourist informaton問吓。點知一入門口就見到部售票機。買好飛，放低行李就開始呢日嘅緊湊行程。

二条城

參觀要除鞋，內裡唔可以影相。主要係睇吓啲屏風畫。

之後就要經花園行大運先可以去返出口。

廁所前嘅櫻花吸引咗好多人影相。

二条城附近唔覺有餐廳。於是搭巴士去下一個景點。諗住喺巴士見到啱食就落車。點知係唔work的。見到啱嘅，架巴士已經駛到老遠。於是喺轉車站附近求其喺便利店食。去嗰間係有位坐。

然後嚟到金閣寺。

事前已經知會團友唔好期望太高。間廟只可以遠觀。

但係因為係必到景點，一定要嚟打卡。

然後搭巴士到下一個景點。過度旅遊，處處都係遊客，去嘅目的地都差唔多。架巴士超級迫呀。所以呢度嘅巴士有告示係唔可以帶大件行李。

嵐山竹林の小径

古力店。

行咗個圈佢就收舖嚕。

晚餐喺酒店附近。友人食拉麵定食有炒飯同餃子。我嘅天津飯就冇餡，差。

食飽就去附近嘅澡堂。啲澡堂規矩間間唔同。有啲有紋身都可以入。

終結＞個pass 以我哋呢日嘅行程係冇賺，打個和。