長征六千里 Day 22

4 月 26

話說我哋喺台北轉機，有成十二個鐘。做乜好呢?

出發前幾個月睇吓機場網站，原來轉機時間有十個鐘以上嘅都可以免費 join 台北觀光團。

佢有幾個 tours 揀，但係唔係啲大路嘢。於是揀咗個自由行，旅遊局會有資助（當時未知係乜）。

告別日本。

知道台灣物價低，所以只唱咗三十歐（二人 total 喎）

原來旅遊局只係資助機場來回地鐵飛咋。手提行李放喺locker後出發。

去到台北站，搵咗好耐先搵到地鐵轉車站。買埋一日票就開始行程。

呢度都有共享雨遮。

仲有古代版。

首先嚟到國立中正紀念堂。

見有人喺度等。等乜呢。睇睇個告示，原來仲有十分鐘就換班。

當然睇埋啦。

因為突然狂咳，即刻離開群眾。費事啲人拍片碌埋我嘅咳聲啦。

肚餓想喺附近食。劇場cafe係歐洲價。即係貴啦。唔食。

睇紙版地圖，見去下個目的地嘅地鐵中途站疑似係啲繁華地區。於是落車睇睇。行冇幾遠就有嘢啱（體驗團）食喇。

排骨加滷水蛋。

滷肉飯配炸髀。

食胞先見附近可以掃街。食唔落啦。

嚟到101打卡。

仍然食唔落。。。

喺商場睇吓有冇細包嘅牛肉乾，鐵蛋賣。點知都係大包嘅。到達維也納前一定KO唔到。放棄，冇買。

艋舺龍山寺

呢個教唔多認識，唯有偷聽日本團嘅講解再求其翻譯畀友人知。（其實係我聽得明極少）

經過街市見有蓮霧賣呀。問佢可唔可以只買幾個。佢話半兜啦。都係太多，放棄。

類似鴨寮街。

咁多電單車對奧地利人嚟講係奇景。

行超市

最後都買咗。即食啦。最終臨上機前食晒。

最後嚟到西門町。

想食小籠包，一籠些牙啦。點知花費小唔可以堂食喎。落雨濕濕，冇地方坐喺度食。放棄。

喺台北快閃七個鐘後就踏上歸家路。