長征六千里 Day 9

原先打算買JR Pass。點知到確定旅程時，加價喎。兩星期要每位500 歐。計過未必回到本。

於是諗吓有冇平啲嘅方法四圍去啦。過夜列車，選擇唔多，價錢亦唔平。

突然諗起以前大阪友人話去迪士尼搭通宵巴。

咁上網搜。搵到我搭嘅呢間。再詳細睇吓佢嘅服務。要留意嘅係車上係冇廁所。有啲車種有冇寄艙行李。寄艙只係每人一件。所以唔可以一開始行程就shopping。

4 月 13 到達大阪。

總站係Umeda Sky Building

我哋坐呢款。都瞓得幾舒服。

比較貴但係可以瞓得直啲。可惜係只可以帶手提行李。

人面識別入閘機? 試驗中。

一早未可以check-in，放低行李後，喺酒店附近嘅cafe食個早餐就去沖涼。

冇諗過會游水，所以冇話畀個friend知呢度有泳池。當佢買飛時知道係有泳池後，就話要去買泳褲。

佢話個浴場好大，好正呀。

之後喺附近嘅景點"新世界"行吓。

Lunch time，又唔係太肚餓。所以喺下圖呢間食啲吉列串。

特登行呢間薯片店。

特別嘅味道太大包，個篋冇位，冇買。

然後行到去難波八阪神社。

仍然有櫻花睇。

經過高檔百貨公司，

居然冇正方，金字塔西瓜賣。。。。

港式茶餐廳。咁啱有對強國人經過，其中一個話呢間係食中菜。@@

夜晚喺酒店附近揾食。

友人話食過廉價壽司，想試吓貴價貨。

上碟時唔見有芥末，友人問攞啦。師傅話裏面有㗎喇。

我喺咁督促話要尊重個壽司師傅，唔可以揭起件壽司睇㗎。

我就食馬肉刺身。仍然係急凍硬嘅。試過就算。

唔夠喉，再叫碟海膽軍艦，嘛嘛地。

夜遊道頓堀。

介紹呢個摩天輪。友人話想坐喎。可惜已經閂咗。之後嘅行程亦唔許可再嚟呢度。。。。