2014年4月23日星期三

特價

呢度有一種新特價方式. 係你自己揀邊啲特價.  
第一次見係傢私店. 最近屋企附近間超市都呢個特價方式. 一人最多可以有6件貨25% off. 自己揀,當然係揀貴嘢去特價啦.  
心諗佢係咪想去咗啲貴價貨呢?? 巡視過又唔係喎. 因為呢間分店比較細,好多貴嘢都冇. 可能呢個推廣係想吸客去呢間分店(同一距離有另一間分店),分散客源.

巡到去咖啡section... 
乜折咗都咁貴?? (呢度咖啡好似有公價咁,大多數都係6500g) 呢個牌子見開都係同其他牌子一樣價錢個喎.... 懷疑...揭開佢個特價牌,睇吓佢正價係幾多先....
? 未減係5.99, 減咗都係5.99??!!!!! 特價牌係mark up咗先減!!
呢間超市仲有一個陰濕特價貨區. 佢有一個架啲嘢係半價. 同樣貨品亦有正價貨. 而呢黐咗貼紙啫機時係要人手減幾多%. 好多時收銀都發雞盲, 我一定會check單架.  
呢次又真係畀我估中佢冇減到. 都唔知係咪呢間超市登用呢啲細細特價貼紙蝦啲員工發雞盲or蝦啲客唔check.
btw blog友要求想睇吓杯Kefir係點樣. 我唔知點食,冇買到.

66 則留言:

  1. 減同未減都係同價咪超有良心囉,我直情有d感動添啦 !
    香港果d減左既仲貴過未減, 一包價仲貴過2包呀..你都未識世界 !

    回覆刪除
    回覆
    1. 乳酪你都唔知點食 , 唔係嘛?!

      刪除
    2. HK好多時都係2包平過一包架啦!!
      Kefir如果係乳酪點解唔寫乳酪呢??

      刪除
    3. 咁你以為佢係乜呢 ? 用匙食, 係比較杰既..仲可以用黎當mask敷面.

      刪除
    4. 係咪好似肥媽咁敷完面再食返 XXXXXXD

      刪除
    5. 好多乳酪奶類果汁都敷得
      btw,呢隻最初係發源於高加索山區·

      刪除
    6. 香爐灰都敷得啦咁.kakaka
      高加索山區>> 俄羅斯山區.

      刪除
  2. 同意王子話 : " 收銀都發雞盲, 我一定會check單架 !".

    回覆刪除
    回覆
    1. 多咀答句,王子你在HK唔check 單就傻啦,HK超市分分鐘打錯相差好遠架.

      刪除
    2. 係咪我好彩呢? 未遇過

      刪除
  3. 我呢度都係架, 佢地人手貼既特價, 收銀要自己入機, 我地都試過找到佢地無入, 即刻問佢攞番錢, 仲有減價個價錢有時仲貴過平時, 平時都要留意下至唔會中招

    回覆刪除
  4. 最近我都係第一次見到用貼紙呢D方式做promo, 係一間BB用品專賣店。減價品都係D大件野例如BB車BB床等,我細仔用third hand 嘢㗎,毛毛pass 比保保再比力力用。

    回覆刪除
  5. 可以自己揀邊樣25%真係失心瘋呀!!HK一定無可能啦

    回覆刪除
  6. 佢收多我錢我好開心架,收番錢仲有機會有禮物收

    回覆刪除
    回覆
    1. 朱古力、果汁果d囉,有次王子排隊耐咗仲有2.5歐coupon

      刪除
    2. 邊間呀? 下次去德國我要去呢間.

      刪除
  7. 我而家去超市都例check.....因為有時個牌同電腦出既唔一樣.....有時後來先發覺好肉痛....哈哈...

    回覆刪除
    回覆
    1. 都唔係架, 不過頻率就少D, 因為好多時電腦update左, 不過架上既牌未換......

      刪除
    2. 係咪我好彩呢? 未遇過.

      刪除
  8. 英國的 check out 都會成日出錯,自己 check 真D最好。

    回覆刪除
  9. 依家香港超市買嘅野除咗大特價大部份都貴過出面,要格完價先去買,所以,喺超市買少咗野。
    香港都成日錯要查單。

    回覆刪除
  10. 係香港,我次次都check單架!

    回覆刪除
  11. 呢度特價可以好誇張架,有啲叻到買完嘢仲有錢收添。

    回覆刪除
  12. 呢度的check out 都會成日出錯, 特價and rebate 我覺得美國好好多

    回覆刪除
  13. kefir好似我地呢度都有,係咪土國架?
    成六歐一包coffee, 係咪入口貨呀?係咪政府想市民飲少D呢。。。。
    我呢度好少有減價,超市都係新興店,呢度一直都係"士多"為主

    回覆刪除
    回覆
    1. Kefir應該係俄國o野, 但係我呢杯係made in Austria.
      本地,德國,意粉國有牌子o既咖啡都係係六歐一包500g架. 奸商可能諗點貴d人都會飲.

      刪除
  14. 我次次都check單架, 試過有一次部收銀機(應該唔關收銀員事)每樣嘢收兩次錢.

    回覆刪除
    回覆
    1. 每樣嘢收兩次錢我估係個scanner太敏感

      刪除
  15. 香港都要check周不時都有錯
    之前有超市試過mark up再減又或者買兩件特價仲貴過一件,後來好似有畀人投訴 / 告?!!
    價錢牌下面竟然仲有幫你計返per kg價錢咁得意@@

    回覆刪除
    回覆
    1. per kg價唔知係呢度定EU o既德政. 所有o野都要咁標價架. 因為同一貨品有唔同packing例如500g, 400g.... 有咗per kg價消費者直接可以格價.

      刪除
    2. 悉離的supermarket 都有per kg.

      刪除
  16. no strange, 香港超市都係咁手法. 唔知邊個學邊個?

    回覆刪除
  17. 外國超市的收銀員唔係個個識計數(可能係part time),佢地依賴個收銀機,有時俾佢激c!

    回覆刪除
  18. Kefir 你當yogurt 就咁食,好有益 ! 0.65 好抵 !
    呢款promotion concept好正, 但 markup 就衰d喎 ~~
    所以話, c9精明格價好重要!!!

    回覆刪除
  19. 百佳都係啦,所謂減價,咪即係平時正價
    Kefir其實係咩黎架?唔係乳酪咩?

    回覆刪除
  20. 我都要金精火眼睇實個收銀,佢哋有時收多咗有時收少咗,有次我有件特價野但佢收正價,我話係特價㗎,佢問返我應該係幾錢,我話$1.6x(我只記得個大概價錢),咁佢竟然求其收我$0.99就算 :p
    我度有一樽樽Kefir賣,就咁飲,好似smoothie咁,你嗰啲一盒盒嘅我要再check吓有無先,我search咗話可以加落smoothie度,或焗野時可以用嚟代替buttermilk

    回覆刪除
    回覆
    1. 求其收咁都得?!
      下次見Kefir我要試吓.

      刪除
  21. 原來你個邊都有奸商,仲以為D外國人會誠實D添!

    回覆刪除
  22. check 單真係好緊要, 上次我去fresh market買菜,發雞盲收銀連人地前面買個D野都combine 落去張單@@ 收完人地銀又收我錢。 番到屋企睇下先知貴咗15蚊AUD -口-

    回覆刪除
  23. 上次在Mel COLES 收錯sunblock正價 (其實sale AUD5.-only)
    我地冇出過聲個manager自動void左件貨然後送比我地!! (free!!)
    原來澳洲錯左會送,common practice woh

    回覆刪除
  24. 呵呵......阿王子咁精打細算又點會俾超市揾笨吖 !

    回覆刪除

入咗嚟,不如寫幾隻字,留個言啦.