2014年4月27日星期日

行乞

維也納嘅社會現象有啲都幾似. 例如外來(東歐)乞丐越嚟越多.  
出沒地點> 遊客區, 地鐵車箱, 地鐵站, 教堂.... 有時佢哋會走去cafe, 餐廳, 外賣人龍問攞錢...
以下係某雜誌Q&A
- 可唔可以立法禁止行乞呢? 原來唔可以架.因為咁樣會違歐洲人權喎.
- 維也納係咪禁止行乞呢? 只准許靜音行乞. 有組織,擾人都係唔可以. 14歲以下都唔可以乞錢. 違例者罰款700.
- 奧地利有冇有組織乞丐集團呢?? 冇喎.
- 維也納乞丐邊度嚟架呢? 斯洛伐克, 匈牙利, 保加利亞, 羅馬尼亞等等. 本地人都有.

57 則留言:

  1. 一個難解決的社會問題!

    回覆刪除
  2. 揸住結他邊唱邊彈,扮石像……等等賣藝行乞又得唔呢?

    回覆刪除
  3. 斯洛伐克, 匈牙利, 保加利亞, 羅馬尼亞....都係東歐國家喎,我唔覺得佢地窮得咁緊要

    回覆刪除
    回覆
    1. 如果你揸車經過d鄉下地方,見佢哋都幾窮架.

      刪除
  4. 對行乞者罰款€700?有既仲使乞咩?!

    回覆刪除
  5. 到到都有,有時出市中心都會見到,但都算少,都係要靜音。上個星期先見兩位年青人係我住嘅火車站行乞,講本地話㗎,所以我估係玩嘢多。反而近幾年係難民令本地人頭痛,而家係街多咗唔少黑皮膚難民,治安當然無以前咁好囉。

    回覆刪除
    回覆
    1. 反而我覺得我呢邊d黑皮膚人幾乖喎

      刪除
  6. 回覆
    1. 吉普賽乞丐我呢邊都幾多. 可能呢度近佢哋家鄉.

      刪除
    2. 吉普塞去行乞都好過去打劫偷嘢

      刪除
  7. 我呢度間中見到有老外在超市門口,手上揸住用卡紙寫的字,意思大致是為照顧小孩才攤大手板⋯⋯
    真不明白,政府對貧窮或低收入人士會補貼的,每個孩子一個星期是有一百元多的,點解會唔夠用?

    回覆刪除
  8. 我呢度唔多見乞兒,全部有政府養,出嚟行乞都係賺外快,幫補煙酒開支。反而去到歐洲,週圍見到乞兒唔係好慣。

    回覆刪除
    回覆
    1. 本地人有政府養,都好少見本地乞兒架. (例外係o個d好punk o既會問人攞錢囉)

      刪除
  9. 我呢度唔見有乞丐,有政府養吖嘛

    回覆刪除
    回覆
    1. 本地人有政府養,都好少見本地乞兒架. (例外係o個d好punk o既會問人攞錢囉)

      刪除
  10. 行克都不是可怕, 上次妹妹歐遊到austria 定匈牙利, 被打劫....其實係明搶, 我估某程度上是因為以為她是內地人, 全身cash =___=

    我冇估到呢個地方是多么危險!

    佢話唔係吉卜菜人....一定係本地!!

    回覆刪除
    回覆
    1. 不過好彩我個妹佢太驚, 大叫同大喊後, 佢地塞番晒d 錢比佢就嚇走左d 人。

      但係佢呢個過程簡直係有計劃地但無經驗地打劫。算叫有少少良心...

      刪除
  11. 違例者罰款700歐......
    咁算唔算乞兒兜挪飯食呀??!!

    回覆刪除
  12. 香港全部行乞都專業及集團化,
    禁止行乞法例形同虚設,
    從來無執行:-P
    新聞話奧地利有座樓大爆炸:-(:-(

    回覆刪除
    回覆
    1. 我o係HK時都冇見過有人執法.
      大爆炸好經呀. 話係開煤氣自殺喎.

      刪除
  13. 第二個問題意大利中曬啦!全部都有人做。大人帶小孩及BB出動一D都唔靜音喺地鐵叫人比錢

    回覆刪除
    回覆
    1. 呢個真係好大問題,我估在羅馬和巴黎,乞丐問題真係好嚴重

      刪除
  14. 我地這裡好多中國人專業團體乞丐

    回覆刪除
  15. 歐洲人可以週圍走,近年真係多左乞丐。

    回覆刪除
  16. 係法蘭西都係, 仲有好多係小偷添, 佢地知道仲未成年警察無符, 所以都唔怕你知, 前排有張報紙寫D罪行係邊D人多, 都俾人話佢種族歧視呀

    回覆刪除
    回覆
    1. 我覺得如果係本地人冇需要去乞囉.

      刪除
  17. 其實呢邊都有唔少問你有無spare changes既高級"乞兒"
    不過有D都好自力更生, 係度畫下卡擺係度賣
    但聞說呢D"乞兒" 好好搵...


    珮夫人

    回覆刪除
    回覆
    1. 我呢邊問你有冇spare changes多數係好punk o個d

      刪除
    2. 我地呢邊個D都係..."道友"樣


      珮夫人

      刪除
  18. 我試過喺停車場有個女人走埋嚟,無出聲但遞張寫滿字嘅卡紙比我睇,內容大致係話佢係由羅馬尼亞嚟,佢而家有咗BB,唔夠錢洗等等。當時我估佢唔識英文所以無開口,佢著住件外套,我都睇唔出佢係咪真有BB,咁我比兩蚊打發佢走就算。
    我間唔中都會喺近郊地方見有人企喺馬路中間嘅石階度揸住張寫咗野嘅紙牌,內容都係講佢失去工作呀,一家大細等住佢養呀,咁啲車喺紅燈停低時,間唔中都會有好心人打開車窗叫佢過嚟收錢。

    回覆刪除
    回覆
    1. 馬路中間我呢度有時都會見架.

      刪除
    2. 馬路中間嗰啲除咗乞錢,有時都會係為慈善團體籌款,有次見到消防員哥哥仔喺馬路中間籌款,佢哋揸住隻救火時著嘅boot用嚟裝啲善款 :p

      刪除
  19. 响呢邊行乞係犯法架, 所以啲人係會拎住啲紙巾嚟叫你買.

    回覆刪除
    回覆
    1. HK好似都係犯法,但係又未見過有人執法

      刪除
  20. 其實問題度度都有,只不過嚴唔嚴重啫⋯ 呢個並唔係香港獨有既問題

    回覆刪除
  21. 要罰700蚊,要乞好耐先夠比。

    回覆刪除
  22. 你哋嗰度就好啦行乞都罰款700歐,香港周圍痾都唔洗罰,仲要包容添噃!

    回覆刪除

入咗嚟,不如寫幾隻字,留個言啦.