2015年1月5日星期一

XFUN吃貨俱樂部

唔知大家有冇睇J2 XFUN吃貨俱樂部呢? blog友講開知係講我地頭喎,一定睇睇啦. 一次過煲咗維也納. 感覺同港睇開嘅飲食節目好唔同.
首先佢似業餘,燈光好差. 又好似冇準備咁,自已食乜都好似唔知. 另外去之前話去學用餐禮儀,但係見佢地大舊大舊咁食,仲要講嘢喎,真係乜儀態都冇. 仲有食嘢唔抺咀,咁都可以出鏡

第一集>

Cafe Central係靚,但係食Sacher Torte唔會去呢間囉. 正宗要去Sacher Hotel.
啤酒餐廳我食過,OK. 但係好多時都好full,冇位. 
 

第二集>
我唔知修道院有嘢食添. 佢哋又唔介紹吓神父出CD,之前大hit.
我估唔到佢哋去墳場對面間餐廳囉. 通常出殯先去食.
見佢哋四圍搵莫扎特好明顯冇準備.
間主題餐廳去中超好多時都烴過. 佢介紹完,似係食氣氛多啲. 我未必會去.

第三集>
佢哋食完蝸牛去嗰間餐廳我以前好多時都去架. 嗰時覺得幾抵食. 但係之後佢價錢同出邊啲差唔多,冇需要去市郊咁遠食囉. Btw我嗰時佢menu係冇蝸牛的.
佢哋去另一間食,個女主持唔識切肉食. OMG!!
 
第四集>
摩天輪嗰餐話個湯加咗醬油,真係噏得就噏. 定係我見識少,醬油喺內地另有意思?
地底嗰間食嘅冰冰嘅甜品叫Parfait!!! 但係同港食parfait係兩回事.

第五集>
嘅又一次show嘅無知,辣椒可以當番茄.
佢哋去嗰間雪糕係我至愛架. 夏天時要大排長龍. 冬天休業.
另一長龍店>>知名豬扒餐廳最近開咗另多一間分店,都係喺附近. 正宗炸牛仔扒要廿歐架.
嚟奧地利居然介紹人去Nordsee. 另外herring以我知係生個喎. 大家認為呢?
XXL原來咁叫.

第六集>
奧地利甜品Poppy seed noodels睇個名大家未必知係甜品(我德國friend都中伏過).
雖然咁多嘢彈佢,但係感覺唔做作囉. 唔似得香港嗰啲未趙已經用好誇嘅表情話好食好食.

54 則留言:

  1. 哈哈哈哈哈,原來你寫左blog, 仲caputure d樣衰片段,嘿嘿嘿嘿

    回覆刪除
    回覆
    1. d衰樣係yt cap架. Anyway佢哋咁樣衰邊個moment都可以cap到個衰樣

      刪除
    2. 哈哈哈哈哈哈哈 ! 仲有呀,膽敢嚟到wien都唔拜訪香港國王子係咪想c !

      刪除
    3. 咁樣衰我都唔想接見佢哋!

      刪除
    4. 大家唔好咁膚淺…唔通樣唔得就唔可以做主持??
      做主持一定要個個靚仔靚女??夠富娛樂性就得啦!!!
      就因為咁現今樂壇著重外表包裝,樣差的歌者就連碟都冇機會出~~

      刪除
    5. 現今乜都要講包裝架嘛.

      刪除
  2. 開頸D字好細,老人家看不到!

    回覆刪除
  3. 主持好樣衰,食相核突,睇唔夠五分鐘就轉台,乜你連睇六集咁忍得!勁勁勁!

    回覆刪除
    回覆
    1. 我仲會睇埋Salzburg o個幾集.

      刪除
    2. 墳場對面間餐廳囉. 通常出殯先去食.……因地成題,應該搞間 Halloween 主題餐廳,好似海洋公園鬼節咁,侍應扮鬼,換上鬼菜色,再裝修成鬼屋咁,好吸引人去,啲人會一年拜幾次山添。哈哈!

      刪除
    3. 鬼鬼係一年拜幾次山架喎.

      刪除
  4. 睇咗少少,女主持個樣....我飽啦.....

    回覆刪除
  5. 嗰女主持如果唔係率性就一定好有演技!

    回覆刪除
  6. 我有睇. herring 我在荷蘭食,好味吖, 好過食三文魚。

    回覆刪除
    回覆
    1. Herring我試過一口,我覺得好難食.

      刪除
  7. 唔敢睇,怕睇完要洗眼 :p
    herring我食過罐頭嘅,唔係生㗎喎,Ikea都有一樽樽賣㗎.

    回覆刪除
    回覆
    1. 我search過,原來生同熟o既都有

      刪除
    2. 我又search咗Poppy seed noodles,原來係匈牙利/波蘭菜,做法簡單,不過要落糖喺啲麵度真係接受唔到 :p

      刪除
    3. 我又唔知匈牙利/波蘭都有呢個甜品. Anyway熱o既甜品(包括中式)我都接受唔到.

      刪除
  8. 我間唔中都有睇,不過見到個兩個主持時就想轉台

    回覆刪除
  9. 我都冇留意呢個節目!哈哈,搵日睇睇,睇下係咪咁差先得!

    回覆刪除
  10. 我都睇過少少,難得有節目肯用非靚仔靚女。但的確影響收看意欲。尤其那個女的表情太誇張,有點倒胃口。

    回覆刪除
  11. 就係因為女主持個樣夠突出, 所以先至令人有深印象...

    回覆刪除
  12. 我知……
    介紹奥地利麻,啲景無問題
    未見過旅遊節目主持咁差衰,仲要喺有錢富二代大陸電視台拍(≧∇≦)
    個節目無咗個“八婆”做主持就OK,佢行為又劣樣又衰,加埋扮醒目個富二代又煲煙,全個節目可以唔使睇(>_<)

    回覆刪除
    回覆
    1. 介紹d o野食都冇問題,但係介紹食乜時有時係亂噏.

      刪除
  13. 哈哈, 未睇過, 搵次睇吓.

    回覆刪除
  14. 啲主持個樣真係唔多掂噃, 我見到佢哋已經唔想睇

    回覆刪除
  15. 有睇過,可能因為男女主持都唔太吸引,所以通常都無乜心機睇落去
    我都同佢喱個節目D打燈同各樣技術似乎都唔係太夠水準,好似成日求其用hand cam就咁就影,所以影出來D野全部都唔係太吸引追看,同埋佢地D介紹Script有時詳盡到有點囉嗦又唔吸引XXXD
    總之成個節目我通常睇三個字就放棄轉台了

    回覆刪除
    回覆
    1. 我都覺得佢只係用camcorder,好業餘feel.
      我睇咗咁多集咪忍耐力好好??

      刪除
  16. 之前講俄羅斯我有睇,但講維也納覺得好悶

    回覆刪除
  17. 勁呀,咁差的節目你都會睇晒。

    我睇過一兩集,覺得好老套,好似返左七八十年代未見過世面咁……樣樣都大驚小怪。

    回覆刪除
  18. 我返澳門有睇過呢個節目,佢地都好好多地方,但受不了國內人的誇張演出。

    回覆刪除
  19. 估唔到王子緊貼得咁貼~~ 我無睇呀..我媽咪成日睇J2台...佢都講過呢個節目, 但佢勁鬧條女(所以我都望左一陣)...好趕客喎佢~~

    回覆刪除
  20. 呢個節目我有時也有睇,以我咁鍾意睇旅遊節目來講...呢個節目既個位女主持真係令我無興趣再睇.

    回覆刪除
  21. Sky 都有睇 J2 這個節目的 ~ 應是國强拍制的 >.<
    女主持的表演就真是水準以下了 ~

    回覆刪除
  22. 昨晚睇到Hallestatt果集,你睇左未? 佢地勁話間"黃屋"餐廳好唔掂,仲話個蕃茄牛骨髓有防腐劑味??!!
    仲有salzburg airport hanger 7間Mayday bar 都好屈水吓.. 阿"酸下"食幾多美顏套餐都冇用..(仲話佢展現東方女性魅力,吸引在場男仕,真係想c..)
    還有阿wien女導遊跟住佢哋好慘...如果你做,我驚你打鑊佢哋! =D

    回覆刪除
    回覆
    1. 我煲晒喇. "黃屋"餐廳我食過. 唔係咁差啫. 蕃茄有防腐劑味我估佢指罐頭味. 因為有d餐廳係用現成醬汁.
      Hanger 7我未去過. 睇咗佢哋介紹我下次想去.
      如果我做佢導遊,一定教吓佢儀態.

      刪除

入咗嚟,不如寫幾隻字,留個言啦.