2016年6月29日星期三

生活成本最貴城市

香港今年好叻,成為生活成本最貴嘅城市(以西人生活方式). 咁同一個排行歐洲頭十大係邊啲城市呢?
睇下表,維也納都躋身十大貴。
 

而另一個調查,奧地利食品價格係EU第三貴嘅國家。電視有分析話係因奧地利嘅超市冇乜競爭。大劈價,要錢唔要貨嘅情況真係極小極少有.
好似維也納咁,你睇好似好多唔同名稱嘅超市,但都同屬一個集團。以集團計,只有兩間正價超市同兩間廉價超市咋。
生活成本最貴嘅德國城市排行.
美國的美世諮詢公司(Mercer)於紐約時間6月22日,公佈2016全球城市生活成本報告(Worldwide Cost of Living Report 2016),調查全球209座城市的交通費、房租費、餐飲以及娛樂費用等,統計出最貴的城市為香港。 排行結果顯示,香港奪下生活成本最貴的城市。該調查主要提供給企業外派人員時的生活費參考資訊,前十名的排行為:香港、盧旺達(安哥拉首都)、蘇黎世、新 加坡、東京、金夏沙(剛果首都)、上海、日內瓦、恩賈梅納(乍得首都)、北京。    美世公佈的報告發現,根據匯率、民生物價、租屋等資訊,亞洲及非洲多個城市的生活成本不低於西方城市,影響跨國企業外派人員的薪資成本。
http://www.hkcna.hk/content/2016/0622/469798.shtml

51 則留言:

  1. 王子身家豐厚, 無有怕 ^^

    回覆刪除
  2. 咁貴成本…難怪香港啲尊貴話要增加津貼喇!
    但佢哋又冇要求政府為市民派錢呢…

    回覆刪除
  3. 可憐的香港普通市民,當然包括我。

    回覆刪除
  4. 香港最貴係供樓同交通, 但其他生活支出都越來越變態, 貴得完全唔合理.

    回覆刪除
    回覆
    1. 睇人啲blog, o係HK食過真正西餐真係好鬼貴。

      刪除
  5. 我嘅打斧頭錢又少咗啦!

    回覆刪除
  6. 香港所有嘢一向都貴,唔喺乜嘢新聞,
    而我覺得歐洲除咗交通費,其他都唔貴,以香港比較!

    回覆刪除
  7. HK都係得兩間主要超市集團

    回覆刪除
  8. 唉.... 呢個第一不要也罷 , 難為我們小市民囉 .

    回覆刪除
  9. 我哋同你度相反,媒體有分析過點解我哋物價仲平過原產地
    我有睇過慕尼黑啲樓價,好驚人。。。

    回覆刪除
    回覆
    1. 係囉,典解呢.你度奧地利雞可以平過我呢度.

      刪除
  10. 其實都好難比較,香港只係住屋貴,但唔好忘記香港稅率好低,買野或出街食飯都唔使比稅,外國就要將大約三份一嘅薪水奉獻比政府,稅高但又唔係個個國家都福利好喎。
    與其計生活指數,不如計the big mac index,你睇吓,你度嘅big mac仲平過我度,「物離鄉貴」唔一定係啱,而香港就鬼死咁平,仲平過台灣同大陸:
    http://www.worldatlas.com/articles/the-world-s-most-expensive-countries-measured-by-the-big-mac-index.html
    其實香港都有好多野好平,只係啲人鍾意拎啲貴野係做比較

    回覆刪除
    回覆
    1. 呢個排行係for企業外派人員時的生活費參考,咁無奶油要人去飲港式奶茶,去食大渣落嘛.其實我覺得big mac index準確反映普通市民嘅生活。

      刪除
    2. 其實我覺得big mac index準確反映普通市民嘅生活 <-- 咪係囉,我都係講緊通市民,香港排第36,已經比好多國家平,啲blog友成日話香港所有野都貴,我唔多信囉,淨係香港嘅上網費已經平到我流口水喇 :p

      刪除
    3. 上網費我度又貴又慢。

      刪除
    4. 你度上網費都係20歐一個月之麻,仲平過香港,香港嘅網速當然係快啲,但你度8M都唔算慢:
      https://www.expatistan.com/price/internet/vienna
      我度係你度嘅三四倍價錢呀大佬!!!

      刪除
    5. 20歐一個月咩嘢plan嚟㗎。要研究一吓先.

      刪除
    6. 咁你而家比幾錢一個月?
      個網站話20歐係今年嘅價錢喎,你可以睇吓其他野嘅價錢啱唔啱:
      https://www.expatistan.com/cost-of-living/vienna
      有人兩年前話係25歐:
      https://www.reddit.com/r/wien/comments/29kril/best_internet_provider_in_viennaaustria/
      但始終都係平過我度好多囉

      刪除
    7. 留言再次被失蹤!!!

      刪除
    8. 我嗰個係綑綁式套餐,七十幾歐一個月有上網,固網電話,cable tv.

      刪除
    9. 啱啱check咗奧地利網速最快嘅一間,齋上網真係廿歐一個月,下載速度25Mbit,上載1.5Mbit.我個package係75Mbit/ 7.5Mbit,但係我都嫌佢慢。

      刪除
    10. 你仲要固網電話同cable tv?cut咗佢可以慳返好多錢喎

      你個plan其實唔係75M,你細心睇清楚啲條款,佢應該係寫 up to 75M
      網速其實好睇其他條件,你個modem, router, 部電腦有幾快,有幾多RAM,用wired定wireless,都會影響你嘅網速,如果你個modem好舊,咁你比咁多錢買最高級個plan其實都係無用嘅

      你可以做speed test,試下:
      http://www.upc.at/internet/speedtest/speedtest/
      https://www.a1.net/internet-speedtest

      你又可以問吓你朋友喺屋企上網係咪好快,如果係,你可以帶你部電腦去佢屋上網,如果都係咁慢就即係你部電腦慢,唔關網速事。如果係快,咁有可能係你屋企個modem或router慢,咁試吓問朋友借個modem同router你返屋企測試

      如果你唔想攪咁多野,咪打電話去你個上網公司問吓囉,佢哋可能會問你用咩型號嘅電腦,modem,router之類嘅問題,佢哋應該有經驗幫你分析問題喺邊到

      刪除
    11. 留言三次被失蹤!!!

      刪除
    12. 你個方法要有人用同一個plan先可以比較喎.

      刪除
    13. 唔使㗎,你嘅目的係想知點解你屋企網速咁慢,問題喺邊度,係唔係因為你啲電腦,modem,router有問題,唔係想比較網速嘛

      一係你帶晒你啲架生(電腦,modem,router,仲有你啲cables都要帶)去你朋友屋企,首先叫你朋友做speed test,記低個test嘅結果,然後unplug晒佢啲架生,然後plug in晒你啲㗎生,再做speed test,咁你就知係唔係你啲架生有問題

      刪除
    14. 留言四次被失蹤!!!

      刪除
    15. 又係喎,乜我咁叻呢吓.heheheh

      刪除
  11. 留言又被走路喇喂 :p

    回覆刪除
  12. 所以我好少喺香港買嘢同出街消費,要食嘅就無辦法一定要買啦,其他嘢我都會去旅行時順便入貨,分分鐘可以慳到張機票!

    回覆刪除
  13. 其實澳洲都係得2大間超市集團同2間比較細既超市 (其中一間係ALDI)
    呢個情況好似世界通行?

    珮夫人

    回覆刪除
    回覆
    1. 會唔會係兩間以上就有惡性競爭,冇乜利潤,唔想加入戰圈呢?

      刪除
  14. 真係好貴, 咩都好貴!!
    買少少野已經過百蚊, 唉!

    回覆刪除
  15. 其實, 香港唔係樣樣都貴, 早兩日在街上識到個澳洲人講的, 佢原本是英國人。

    我們一路以為...香港的油貴, 經佢把口講, 我先知, 不過可能我唔使渣車....而車費, 都暫時重係平過日本的HAHAHAHA.....遲D 唔敢講, 因為日本都衰左30年。

    回覆刪除
    回覆
    1. 香港啲尊貴過西人生活方式就貴囉

      刪除
  16. 唔見左阿咖啡喎,我入唔到佢個blog.

    回覆刪除

入咗嚟,不如寫幾隻字,留個言啦.