新年音樂會

睇啲紀念品估唔估到個活動地點呢?

2月4晚去咗維也納兒童合唱團嘅演廳。呢日唔係聽合唱團表演，而係有團體舉辦新年音樂會。
飛係有人送嘅。見繁體字仲以為係香港搞嘅添。

今年原來已經係第十八屆。

坐山頂位。

西人主持普通話好過我多多聲。而中國大使嘅德文亦好好. 
但係我唔明點解強國人硬係話春節而唔講係新年嘅呢?

有上海嘅舞蹈團。

有中國舞，芭蕾舞，現代舞。

亦有維也納嘅芭蕾舞團。

兩者比較，我都係prefer睇西人跳。

下半場係音樂表演。捷克嘅管絃樂團。

歌唱家拎貓紙係因為佢唱中文。

中國藉呢位有好多蝦碌嘢。佢條裙畀人踩啦.唱完又唔走,企喺個台度。（佢有唱德文）

管弦樂加芭蕾舞。

中文合唱. 唱到一半好多人狂鼓掌。旁邊嘅西人當然唔會咁做啦。於是留心一啲聽。原來唱梗"我愛中國"。

謝幕。

送花時又有蝦碌嘢。送花係送畀啲外國表演者（西人). 人哋企右邊,但係送花嘅喺左邊.仲有中國表演團體企台前，完全遮晒後面啲西人,即係睇唔到送花。
最搞笑係有花多咗,於是求其送咗畀中國同胞。