Szentendre

10月14 匈牙利多瑙河三鎮第三鎮Szentendre.
揀咗tourist information附近嘅泊位,但係入錶唔夠銀用。咁唯有幫襯買支水順便攞張地圖。

呢度好遊客區feel。

都幾多人.有英文人,華人....

食肆多數喺河邊.

揀咗呢間....點知原來係黑店！！要開佢名,大家唔好幫襯呀！
Promenade Vendéglo - Gastwirtschaft  Tavern

環境幾好,又有鋼琴伴奏。感覺幾 high.
侍應係一位伯伯.可用德文單字溝通。我點咗個湯同羊腿伴薯仔。
等咗半個鐘終於湯同主菜一齊上.(我呢邊餐廳唔會咁一齊上的,你食完個湯主菜都凍晒）。
但係主菜嘅羊腿變咗肉片，薯仔變咗飯。阿伯伯一定冇落錯單，因為個menu匈牙利文，英文，德文，意大利文有齊。咁搵個疑似高級一啲嘅嬸嬸質詢啦。 
佢解釋因為我點嘅嘢賣晒。呢啲肉片都係羊嚟。仲平啲㗎。
吓? 賣晒就求其畀啲嘢我食？唔事先解釋？伯伯溝通唔到都可以搵個人嚟解釋呀嘛。
話呢個平啲，我唔出聲你咪收我貴嗰個價？！
即刻退番碟嘢畀佢,埋單走人. 返去架車食自己嘅三文治。

遇著黑店都冇影響我心情。繼續遊覽。