Weihnachtsdorf am Campus & Josephinum

11月25去嘅目的地要經過Weihnachtsdorf am Campus聖誕市集，咁就順便行吓, 睇吓一個新裝飾。

呢個市集都有好幾年冇嚟行。

居然覺得呢度環境好喎.

要睇嘅新裝飾就喺前面。

大家睇唔睇到係用乜嘢砌嘅呢?

唔知用咗幾多雪橇?

呢個市集都幾多嘢畀小朋友玩㗎。

呢個市集其實係喺大學嘅中庭。而大學前身係一間醫院。

穿過市集，行冇幾遠就到咗今日嘅目的地Josephinum醫學博物館。嚟呢度因為呢日開放日,唔使錢.

但係館內嚴禁拍照。臨時展覽關於二戰奧地利醫學史。其中一 個展品係一位奧地利猶太女牙醫逃難去咗上海嘅難民證（中文的）.日子係寫昭和XX年。

常設展覽係posters所見嘅人體解剖蠟像。展品喺三間房展出,有手手腳腳，頭呀，內臟呀。。。可能都有咁上下歷史，啲展品顏色都好暗.

話說以前未有藥水保存標本嘅技術，就喺用整呢啲蠟像嚟教學。