復活節快樂！

復活節快樂！

上星期日係聖枝主日. 主教主持露天彌撒。

用咗5歐買咗枝聖枝。

睇報導，原來聖枝嘅紮法係各處鄉村各處例。主要係銀柳搭六款植物。

常見係我嗰款, 底下係Stechlorbeer.（疑似奧地利德文，唔知中英文係乜）有迎福，除魔嘅意頭喎.

Btw Good Friday奧地利唔係假期嚟㗎。今年本來有機會有假的, 但係........
故事係咁>>>
喺奧地利(天主教國家)如果你申報你係基督教，係有假放的。原意係尊重各宗教。但有人覺得係宗教歧視，大家都係信耶穌點解天主教冇得放。於是有人告上歐洲法庭, 仲勝訴添，假期要人人平等喎。
今年放唔放假當然引起好多激辯啦. 商人話呢日係消費嘅好日子. 啲人要買嘢做節。放假就冇得做生意（奧地利假期商舖係唔可以營業）。如果特許呢日可以開舖，商家又反對喎. 因為假期開工奧地利僱主係要畀double人工的。
奧地利呢個與民為敵，政策偏向商家嘅政府（香港人聽起嚟係咪好熟咁呢?). 最後修法, 個個都冇得放。。。。