意大利雜記

早早早前睇過一個blogger嘅blog講意大利自駕嘅入城費。

進入舊城區有啲城市係有ZTL. 要畀5歐買個許可證。

唔係太清楚點用. 喺Bergamo時就決定搭巴士。
路邊售票機唔係個個站都有.我等巴士個站嗰個又壞嘅。但冇 問題,喺巴士入面都可以買飛,只係貴啲啲。
回程當我見有路邊售票機就買定啦.

Bergamo嘅旗。

喺Bergamo舊城時唔搵餐廳就見有好多食肆。

Bergamo名物Polenta e Osei. 冇買。我以為係用polenta整嘅甜品. Wiki過, 原來呢個甜品因為似炸過嘅polenta,所以有呢個名。

喺Bergamo食過兩餐佢哋都要收茶芥.
第一餐去咗一間假日本餐廳（因為近酒店). 一坐低就嚟斟汽酒。即刻話唔要啦 (喺意大利要好小心㗎嘛,劏咗你都唔知).冇幾耐又無啦啦攞碟炸壽司嚟。奇怪，問佢,佢話送嘅。點知埋單係附加茶芥囉. 
另一間一坐低唔係問你叫乜嘢飲，而係問要唔要水. 自然反應話唔要. 跟住就拎咗碟小食嚟。啊！又係要茶芥. (一枱收3歐幾4歐）

大家食過正宗意大利菜就會知佢哋係有第一同第二道主菜的。咁呢間有個優惠廿歐有齊第一同第二道主菜，又有我想食嘅兔肉。叫呢個啦。
上枱笑咗, 第一同第二道菜係同一隻碟上.

唔出去食, 就喺超市買熟食. 都可以食到地道嘢㗎。
樣樣都想試。最好食就係炸南瓜花(今個trip食咗三次, 原來成份有魚的)。炸意國飯糰最差，啲risotto好似未熟咁. 仲有買咗一盒原來係炸魚粒, 超鹹。

呢個trip喺超市買咗乜呢?
買可樂又係指定動作啦.

夜用裝奧地利未見有,又買嚟試吓.

薄身嘅鄉下仔未食過, 又買。
即食飯。

影咗算啦. 冇買。

感覺意大利超市都幾多中式嘢賣。見過有炒飯。我又買過炒粉絲食.

亦覺得呢度超市好多款番茄賣。以下呢隻Florence red tomatoes未食過, 買嚟試吓.....嘩！好食呀。完全唔酸，只有甜味. 正！再去多次超市買一盒返維也納。

最後衝刺去入貨。但唔見有墨魚汁.