竹筍黃悶雞

有一本中式食譜，居然係冇圖的。邊吸引人買再跟住煮㗎。尤其西人，佢哋點想像煮好會係點嘅呢.
但係食譜中有好多我都想煮喎. 首先煮呢個悶雞.點解係悶雞呢？簡體字嘅燜雞？燜嘢冇火又真係幾悶嘅。哈哈.

四件雞髀肉切件（我用胸）, 100g 竹筍片，兩個洋蔥切大件,兩隻甜椒切件，50g 冬菇切件，一條蔥切蔥花，一茶匙大小嘅薑切片，三四條辣椒切段，兩湯匙生抽，一湯匙老抽，兩湯匙紹酒，一湯匙半糖，一茶匙鹽，半茶匙胡椒。

用油煮溶啲糖，落雞快炒。然後落薑，辣椒續炒。之後落竹筍，洋蔥豉油撈好.加水蓋過材料，落鹽胡椒煮滾。兩分鐘後轉細火煮約十五分鐘至收汁.最後落甜椒，蔥花煮多兩分鐘。

好味喎. 好撈飯。