2013年10月31日星期四

快閃北上入貨

臨近Halloween,係呢度啲人去拜山嘅時候. 友人星期二回波蘭老鄉拜山,順便入貨. 咁我又跟車北上. 四個鐘後到咗最近佢鄉下嘅城市Kłodzko

The fortress of Kłodzko

City Hall. Tourist information喺呢度.但係今次有導遊,唔使攞地圖.
 
Kłodzko畀我感覺殘舊.
飲水器又冇水.
只有少部份樓比較光鮮.
右手邊係Grottgera Street舊嘅Kamienica Pod Wilkiem, 建於十七世紀末.
City Hall對面,右手邊呢棟係十七世紀初Kamienica Pod zlotym jeleniem.
The Gothic St. John's Bridge.
橋下係運河. 見街邊廣告,夏天好似有艇仔坐.
橋上有六個雕像.
回望舊城區.
過咗, 當我八梗啲嘅時候,突然彈咗個阿伯出嚟問我攞錢. 嚇咗我一跳.
 Klasztor Franciszkanów
Kolegium jezuickie(Jesuit College),1690 建成.
Kosciol Wniebowziecia Najswietszej Marii Panny, Kłodzko最古老教堂, 建於十二世紀
可惜冇開門
咁啱有一團波蘭本地團到咗. 個導遊係都想帶人入去(又可能係團友要求).佢係咁搵人問. 㩒人鐘啦. 又問公廁啲人啦,又打電話.
Muzeum Ziemi Klodzkiej
啲景點都差唔多已影過相. 係時候去入貨.  
食咗個酥皮椰菜,好味.
又去咗呢間買蛋糕. 蛋糕好homemade feel(即係冇乜賣相,但係好好食).
去拜山好似變咗次要.  
發現呢度啲人興帶膠花拜山.
因為波蘭物價平啲. 食過好食嘅都. 好似買咗好多腸啦. 波蘭腸同德國腸口感好唔同架. 佢肉質好似多啲,. 薯仔又買因為覺得波蘭薯仔香好多. 仲有餃子, 煙芝士煎咗點果jam食又係好正. 雜菜絲沙律.
可樂為咗個罐一定要. 呢隻有條香草嘅係我唯一會飲嘅伏特加.

72 則留言:

  1. 唔使問你一定冇俾錢個呀伯啦.
    唔鐘意食椰菜 , 煙芝士唔錯.個可樂罐麻麻地.

    回覆刪除
    回覆
    1. 今次到你咁士刁拔架!!! o係外地錢不可以露眼. 俾一個可能有好多個出黎都唔定.
      可樂罐歐洲似乎都係呢個design.

      刪除
    2. 我唔信你有係邊度俾過先....你淨係識攞免費野咋喎.

      刪除
    3. 去教堂我有俾d神沙架.

      刪除
  2. 回覆
    1. 都唔係架. 有d殘咗變塑膠垃圾.

      刪除
  3. 原來佢地halloween拜山, 有趣 ^^

    回覆刪除
  4. 佢地興Halloween拜山架?
    由維也納去波蘭要坐幾耐車架?

    回覆刪除
    回覆
    1. 奧地利人都係去拜山架.
      Kłodzko近捷克邊境,維也納去四個鐘車架.

      刪除
  5. 我家奶奶都係帶膠花拜山架,哈哈哈!

    回覆刪除
    回覆
    1. 吓? 只係你奶奶定係法國人係咁呢?

      刪除
    2. we bring fresh flowers (in France)

      刪除
  6. 哈佬喂有假放架?
    鬼鬼點拜山架?
    波蘭生活指數低,買多啲塞爆架車,賺番油錢。

    回覆刪除
    回覆
    1. 11月1係假期,All Saints Day.
      掃吓個墓,點蠟燭.

      刪除
  7. 你講到好似以前 d 人番深圳咁 ..

    回覆刪除
    回覆
    1. 我個friend耐唔耐會上去入貨架

      刪除
  8. 香草伏特加咁得意, 係咩香草?

    回覆刪除
    回覆
    1. 咁我又唔知係乜香草,又飲唔出.

      刪除
  9. 德国人奄尖講究,拜山當然用鮮花啦; 花舖仲會定時去執靚個墓架。你飲伏特加?烈酒喎?

    回覆刪除
    回覆
    1. 我呢邊都係用鮮花.
      呢隻我飲囉. 幾香架.

      刪除
  10. 喺呢啲國家,真係財不可以露眼。

    回覆刪除
    回覆
    1. o係相對比較窮o既地方都係小心d錢銀.

      刪除
  11. 回覆
    1. 拜山正日應該係11月1 o既All Saints Day

      刪除
  12. 個可樂罐又幾特別喎...
    有條vanilla, 個味係唔係冇咁嗆???

    回覆刪除
  13. 原來有西方『重陽節』!鬼佬都興拜山!真有孝心

    回覆刪除
    回覆
    1. 鬼佬幾時都可以拜山架啦. 只係呢個時節多d人去.

      刪除
  14. The main purpose is not 拜山 but for touring!!

    回覆刪除
  15. 咁佢哋會唔會似中國人有春秋二祭@@

    回覆刪除
    回覆
    1. 復活節都係去拜山架. 算唔算春秋二祭呢?

      刪除
    2. 又似喎⋯清明係咁上下時間!

      刪除
    3. 可能天下宗教都係同一始祖

      刪除
  16. 原來波蘭人的halloween係拜山的節日, 回鄉祭祖, 兼祭下五臟廟

    回覆刪除
  17. 膠花拜山咁咪可以長年有花嚟個墳度囉, 一年去一次換過束新既, 環保又慳.

    回覆刪除
    回覆
    1. 係慳,但我唔覺環保囉. 殘咗變塑膠垃圾,鮮花可以天然分解嘛.

      刪除
  18. 我見衣家d鬼鬼興膠花布花,仲唔平添!一set插得靚靚的要30至50歐呀!

    回覆刪除
  19. 可能受戰爭綿綿影響, 城市比較古樸, 但也值得一遊.

    回覆刪除
  20. 回覆
    1. 屋企雪櫃細唔可以放好多o野.

      刪除
  21. 回覆
    1. 我google咗.上邊個係寶. 下邊個係sister.

      刪除
  22. 西人點解要揀呢日既掃墓既?

    回覆刪除
    回覆
    1. Halloween係All Sants Day前夕. All Sants Day係正日去掃墓.

      刪除
  23. 你都入咗好多貨喎 , 呢度建築物係舊啲 , 我諗油下佢都幾靚 .
    咦Halloween興拜山咁是否相等如香港的清明節呢 ?

    回覆刪除
    回覆
    1. 可能係冇錢油.
      用個季節比,我估係相等於重陽節

      刪除
  24. d屋仔都幾cute同幾多色彩, 我覺得幾靚bor~
    帶膠花去拜山, 我覺得好似會製造更多塑膠廢物, 又難分解~~
    王子, 香港之前zero可樂有款個罐勁似啤酒ga, 你搵人班返o黎啦~~

    回覆刪除
    回覆
    1. 製造更多塑膠廢物<<我都認為係.
      我多好zero罐,都係紅色好d

      刪除
  25. 你夠法定年齡飲伏特加未呀?.

    回覆刪除
    回覆
    1. 係喎,我年紀小,未可以飲. kakaka

      刪除
  26. 用膠花也好,可以放好耐都得﹗鮮花唔駛一星期就枯晒﹗

    回覆刪除
  27. 膠花之後會被管理員收嗎? 用膠花拜山好怪呀~
    "北上入貨"so funny !

    回覆刪除

入咗嚟,不如寫幾隻字,留個言啦.