2013年11月13日星期三

露宿者

blog友問呢度天橋底有冇人瞓. 講真又好似未見過喎. 可能市區唔係太多天橋啦. 瞓都係瞓市區啲公園,可能方便出入搵食啦.  
市區重災區係好多遊客去Stadtpark,有金色約翰史特勞斯像個公園呢! 我時時經過都覺得咁樣會嚇親遊客喎. 乜冇人做吓嘢呢??  
有日終於警方出動清場. 支援露宿者團體話警方做乜唔事先聯絡佢哋. 露宿者已經乜都冇,依家連紙皮都冇埋.
超騎呢係有露宿者收到清場後罰款通知. 罰款198. 露宿者又邊有錢交呢?


56 則留言:

  1. 咁似香港公安既作風既...蝦得就蝦.

    回覆刪除
  2. 奧政府又真係奇怪!
    香港的露宿者,其實支援也不多!

    回覆刪除
  3. 我度未見過露宿者架,好似話俾政府包起咗

    回覆刪除
    回覆
    1. 有食有住有涼沖有地方hea
      仲有份慈善報紙請佢哋做sales賺零用
      份報紙bilingual有德法二文ga

      刪除
    2. 我叫大家去你o個邊先. kakakaka

      刪除
    3. 哈哈你想拍報仇下集?!

      刪除
  4. 乜原來奧地利都有露宿者問題,是不得志藝術家還是經濟所致失業?

    回覆刪除
  5. 不其然諗起《窮富翁大作戰》

    回覆刪除
  6. 我知D歐洲露宿者鍾意瞓大街大巷,仲鍾意養狗tim~

    回覆刪除
  7. 唔知D露宿者收到罰款通知書. 要罰款198歐,佢哋會有咩反應呢?

    回覆刪除
  8. o個朝我行到近Schottentor站的公園,見到有露宿者瞓係個大雕塑裡面,真識揾地方呵!

    回覆刪除
  9. 啲露宿者未好似以前香港瞓天橋底咁囉, 集結一堆, 幾誇張吓喎.
    罰款就是告阻街之類, 只是按本子辦事, 預左無錢收.
    唔知有無露宿者之家, 佢地瞓覺有落腳點.

    回覆刪除
    回覆
    1. 有架. 可能佢哋唔知有呢度地方啦.

      刪除
  10. 巴黎都多露宿者架, 有D仲係地鐵站, 佢地多數都有隻狗防身架

    回覆刪除
  11. 英國的露宿者都好嘆架, 有餐食, 夜晚有地方住, 基本上時只是白天露宿。

    回覆刪除
    回覆
    1. 可能我呢邊都有, 佢哋唔知咋.

      刪除
  12. 咩歐洲福利咁好都要訓街呀!

    回覆刪除
    回覆
    1. 佢哋好多都係酒鬼. 可能用咗d福利金買酒

      刪除
  13. 罰咁多錢都係做戲噤做,邊有得俾?

    回覆刪除
  14. 罰錢好攪笑 , 有錢都留番嚟食喇比佢至奇 .
    冬天咁凍瞓街都好陰功 .

    回覆刪除
  15. 回覆
    1. 轉介佢哋去支援露宿者團體嘛.

      刪除
  16. 我見日本的公園都成日有露宿者

    回覆刪除
  17. 到處楊梅一樣花! 露宿國際化!

    回覆刪除
  18. 何解不下個社會服務令代替罰款?起碼露宿者可以comply而且有益社群。(Btw, 你梗係響 yahoo de-list 左我,搞到我無得留言,而家你搬左竇,我又再出現喇,哈哈哈哈哈......)

    回覆刪除
    回覆
    1. 好耐冇見喇. 我個Y!blog因為set咗關注我o既先可回應.
      呢度你多d黎啦.

      刪除
  19. 露宿者問題究竟係政府方面的呢?又或確然是露宿者的問題,兩者都應好好的協調一下。
    這我只是知道有些露宿者不全是因經濟的情況,而是另有一些是個人的意圖罷了......

    回覆刪除
    回覆
    1. 我覺得係露宿者自己有問題. 因為呢度福利好,冇乜可能要瞓公園,

      刪除
  20. SF都超多露宿者係City Hall出邊既廣埸特多XD

    回覆刪除
    回覆
    1. 我都見過三藩市有露宿者在city hall 前搭起帳篷露營,還有煮食工具,真係好誇張!

      刪除
    2. 有煮食工具又真係好誇喎

      刪除
  21. 有人失蹤左成兩日,差d要報警添!kakaka...

    回覆刪除
    回覆
    1. 失蹤咗一日啫. 但係冇乜特別,唔會blog出.

      刪除
  22. 就係無錢先訓街, 咁貴都係無錢交啦...把鬼!

    回覆刪除
  23. 說不定他們寧願入獄也不交罰款了,至少有得食有得住,又唔駛交罰款。

    回覆刪除

入咗嚟,不如寫幾隻字,留個言啦.