2014年1月8日星期三

德式聖誕蛋糕Christstollen

德式聖誕蛋糕德語Christstollen,一種質地像硬麵包、但製作材料像水果蛋糕的麵點。是德國聖誕節期間的傳統節慶食品。wikipedia。org

Christstollen1475Schloss Hartenstein bei Torgau 嘅烘焙師Heinrich Drasdo發明. (但係德國DresdenStollen先出名喎). Stollen個形狀係好似包住個BB耶穌咁.
食譜其實早早已經搵咗. 但係我有我曆法(原因係雪櫃冇位),我過咗聖誕先整.
材料>

A> 25g 酵母, 90g, 120g麵粉

B> 1湯匙蜜糖, 20g糖霜, 2個蛋黃, 1 pack雲呢拿糖, 2湯匙Rum酒浸咗一日150g提子乾, 2執玉桂粉, 160g麵粉, 130g牛油, 一執鹽, 60g 蜜餞橙皮, 60g 蜜餞檸檬皮, 20g 杏仁碎.

C> 60g 牛油溶液, 80g糖霜.

做法>

Part A> 奶加熱到30度後落酵母,麵粉撈勻. 面頭灑上麵粉. 等發酵至面頭有裂紋.

Part B> 蜜糖, 糖霜,蛋黃, 雲呢拿糖,,玉桂先撈勻. 再落part B餘下材料撈勻. 之後搓入part A. 等發酵一個鐘.

(個食譜唔知係咪排版關係,之後好多嘢都唔detail) 排氣, 切出11cmX9cm, 1cm(我估係三份) 捲起. 砌個Stollen. (咁即係乜形呢?? 我估係疊個三角形囉) 150度焗佢45分鐘. 完成後

搽上partC牛油溶液,灑上糖霜. 雪佢一個禮拜.
成品....唔似囉. 唔知係咪只用蛋黃個色太深,特顥唔到啲蜜餞果皮(我冇提子乾,冇落).  
我唔等一個禮拜即日已經食,味道都唔錯架.

68 則留言:

  1. Stollen陣味我唔like,好耐冇食lu

    回覆刪除
  2. 最後果張相嘅賣相..............

    回覆刪除
  3. 真係好食架?我一直都唔敢試丫

    回覆刪除
  4. 好鍾意你果句: 我有我曆法!! 冇錯, 我前幾日忽然想食奶皇月餅, 都打算過幾日整少少.

    回覆刪除
  5. 這款蛋糕我見過了 , 外貌真係好硬我唔敢買嚟食 , 原來焗好要雪一星期唔怪得之個樣咁硬喇 .

    回覆刪除
  6. 咁多材料, 咁鬼煩, 你都整, 好嘢! 我買架乍.
    佢有個餅模架, 提子乾靈魂黎架, 下次一定要落呀!
    德先生食時, 切薄薄一片黎食架, 佢話軟身好食啲喎.

    回覆刪除
    回覆
    1. 我貪玩嘛.
      原來有餅模. 我個焗出黎係一岩一忽.

      刪除
  7. 11月嗰陣我老公喺Frankfurt 買咗個返嚟,我見個様好似好甜咁,吸引唔到我,連兩個仔都肯食。

    回覆刪除
  8. 麵包我鍾意軟熟嘅!多士要脆卜卜嘅!太硬嘅對我呢啲老人牙齒唔好架,我仲想用真牙食多幾年呀!哈哈!

    回覆刪除
  9. 做乜唔影個全相? 得一片睇唔清楚喎. 我聖誕假期食咗好多甜食, 真係唔知食咗幾多牛油同糖落肚.

    回覆刪除
  10. 可能佢地個用左 Photoshop 呢 ^^

    回覆刪除
  11. 係一定要擺一個星期????

    回覆刪除
  12. 咁多工序又有等咁耐,唔啱我喇。

    回覆刪除
  13. 我食過意大利panettone,紅色紙盒包裝嗰隻,都係差唔多嘅friutcake,但我唔like

    回覆刪除
    回覆
    1. panettone我鍾意食架,我當佢係提子包.

      刪除
  14. 睇情形都未必留到成個禮拜, 即刻食穩陣啲嘞......

    回覆刪除
  15. 我試過英式的聖誕蛋糕,太甜受不了.

    回覆刪除
  16. 應該好食過聖誕布丁!

    回覆刪除
  17. 我好鐘意食呢款蛋糕,今年買咗兩次食了。但得我一個人食,食完成條都差不多一個星期。

    回覆刪除
  18. 你個塊麵包冇打燈喇!好多料咁喎!

    回覆刪除
  19. 見到材料有「酵母」兩個字,打冷戰,因為我從來用酵母都不成功,不知道是因為舊了還是溫度不夠。

    回覆刪除
  20. 這過無Rum酒提子乾就無果陣獨有味

    回覆刪除
  21. 唔鐘意食玉桂同蜜餞果皮!

    回覆刪除
  22. 去歐洲旅行時食過, 唔鍾意食囉,果D蜜餞果皮真係唔啱我, 怕怕.

    回覆刪除
  23. 個樣唔多似喎. 我德國朋友曾經寄過個俾我食, 依家呢邊超市都有得賣, 但真係甜到冇朋友, 食一啖就夠了, 而且我唔鐘意蜜餞果皮之類.

    回覆刪除
  24. 我都食過呢!祝新年快樂!

    回覆刪除
  25. 好似好多程序,最重要o岩自已食。

    回覆刪除

入咗嚟,不如寫幾隻字,留個言啦.