2015年10月14日星期三

馬車

好耐好耐之前講過呢度啲垃圾車專係喺朝早繁忙時間嚟收垃圾,塞住條街。另一種我好怕早遇到嘅車係馬車。

你返工時佢又去開工。唔理架車有幾多匹馬力都係慢慢行。向市中心嘅方向就咁畀佢塞住,有時單線行車時又爬唔到頭喎,真係你急佢唔急。
(以上都係喺我屋企附近影嘅)

31 則留言:

  1. 回覆
    1. 自駕都可以. 好似我咁搭巴士嘅避無可避囉.

      刪除
  2. 你搵匹白馬騎咪快過佢囉XXD

    回覆刪除
  3. 馬車入面有無公主架。英國的馬車通常入面是放棺材。

    回覆刪除
  4. 晨早流流有馬車?用嚟做乜?

    回覆刪除
  5. 向奧區議員投訴並建議垃圾車彈性上班喺非繁忙時間工作去改善交通。

    最近有人話港島已經有地鐵通堅尼地城至柴灣,電車行得好慢應要取消某一段以減低擠塞,啲人反對話電車好有特色要保留嘅文化產物,佢又方便好多行動唔係太好嘅老人家搭一二個站去買野,唔駛行上行落港鐵咁辛苦,不過有人講電車係大量運輸交通工具,比私家車更能減低塞車,好似你個案例。而馬車係小數生意人嘅利益,向奧區議員提議繁忙時間禁止馬車使用馬路。

    回覆刪除
    回覆
    1. 嘩!乜事。 今朝一早就有偉論, 瞓唔著?

      刪除
  6. 回覆
    1. 維也納啲馬車有個膠袋喺pat pat位,開大時即刻兜住唔落地㗎。

      刪除
  7. 墨市都有馬車,做遊客生意!

    回覆刪除
  8. 呢種情況應該唔會成日發生掛?如果成日發生一早比人投訴啦,其他人都會趕返工㗎嘛
    你張相嘅背景大廈係咪都係住宅嚟㗎?

    回覆刪除
    回覆
    1. 馬車係日日都發生. 可能啲人慣咗,預埋呢啲時間.
      住宅嚟㗎.

      刪除
    2. 你度啲住宅都有啲似香港咁,地下係店舖,樓上係住宅
      雖然方便,但我就唔係好鍾意喇,樓下係餐廳嘅話,怕會惹老鼠 :p

      刪除
  9. 有馬車,會唔會隨地有馬屎架???

    回覆刪除
    回覆
    1. 維也納啲馬車有個膠袋喺pat pat位,開大時即刻兜住唔落地㗎。

      刪除
  10. 我好驚行過馬車附近,因為好臭呀!

    回覆刪除
  11. 澳洲 Melbourne city都有馬車行架!

    回覆刪除
  12. WA.....單程又爬唔到頭, 真係要坐幾耐先返到工呀....~?

    回覆刪除

入咗嚟,不如寫幾隻字,留個言啦.