2016年9月12日星期一

洋蔥多士

又係諗帶乜做lunch喇。今次跟食譜整咗個洋蔥多士,好健康冇肉

我只係跟佢煮洋蔥啫. 
一個紫洋蔥切絲,落油中火炒佢5分鐘。加兩茶匙黃糖,少少鹽煮多十分鐘。再落一湯匙陳醋煮至收汁.胡椒調味.
食譜建議夾Emmental cheese食.  洋蔥甜多過酸,幾好食㗎。

44 則留言:

  1. 這個幾好,過兩日試下煮先!

    回覆刪除
  2. 洋蔥炒成焦糖化真係超正.下次加d牛柳絲, 又係一道菜.

    回覆刪除
    回覆
    1. 咪洋蔥牛柳絲囉.
      冇名堂就搵唔到譜, 冇譜就唔識煮, 又冇得食, 真陰公XXD

      刪除
    2. 我食過o既洋蔥牛柳絲唔係焦糖化咗個囉.
      我唔多creative嘛. 不如你煮咗再寫個譜過我啦.

      刪除
  3. 得甜味冇酸味?仲乜要落醋黎煮咁多餘。 煮熟咗嘅洋葱本身已經有甜味,黃糖都唔駛要。
    我會加烚熟雞蛋,均衡營養。麵包要烤耐啲好似食譜幅相金黃色,你塊太白淨,夾好晒料要放落鑊再煎吓,啲芝士要熔咗至正。

    回覆刪除
    回覆
    1. 你識唔識字㗎! 我冇話冇酸味喎.
      我因為係凍食.所以我冇整熔啲芝士.

      刪除
    2. 哈哈! 唔專心,罸坐無影櫈。

      刪除
    3. 我會悉得大聲叫 唔好。

      刪除
    4. 你一定時時約人上你屋企食飯,唔怪得咁多煮食篇,唔係飲酒就係落藥,可以畀練習身體檢查,前後其手。

      刪除
    5. 提供男士健康檢查嘅無牌醫生?

      刪除
  4. 回覆
    1. 頂住吓咁囉. 返到屋企好肚餓。

      刪除
  5. 中秋節快樂💜。゚💕我今年食左月餅了💖*¨💘你呢
    好友★。゚☾甜夢安唾嚟☁¨*☆晚安♦・゚✬星期二╠╣aΡpy

    回覆刪除
    回覆
    1. ★。゚☾好友☁¨*☆晚安♦・゚✬星期二╠╣aΡpy

      刪除
  6. 洋蔥,我反而喜歡唔好炒得咁熟,加埋溶咗嘅芝士就更加美味呢!

    回覆刪除
  7. 你係咪一大早整,等到中午先食呀?如果係就唔使烘塊麵包啦,烘咗到中午都淋晒啦
    仲有如果你煮完洋蔥就夾麵包放落個盒度,會有霧氣,麵包又會濕,要攤凍先入盒

    回覆刪除
    回覆
    1. 係呀.但係要影相,咪烘烘塊麵包囉.

      刪除
  8. 我整過類似, 咁樣煮完洋蔥之後, 再用嚟煮豬扒好好味架.

    回覆刪除
  9. 這個吃得飽嗎? 會好快餓又要再吃東西嗎?

    回覆刪除
  10. 好特別呀...加芝士應該會吸引d~

    回覆刪除
  11. 我由細到大都唔鍾意食洋䓤。。怕怕

    回覆刪除

入咗嚟,不如寫幾隻字,留個言啦.