2018年7月27日星期五

煎吞拿魚餅

用罐頭吞拿魚整魚餅未食過喎. 於是整嚟試吓.

參考份量一罐吞拿魚整鬆,半個洋蔥切粒,一瓣蒜蓉,一隻蛋,兩湯匙麵粉,鹽,胡椒。
唔想咁單調可以加chives碎,一茶匙wasabi,一茶匙豉油,薑蓉。
所有嘢撈好,分開一份份煎就可以。
罐頭吞拿魚我食個喎.但係呢個配搭好大魚味,唔多啱我添。

28 則留言:

  1. 諗起亞視飲食節目主持人黃麗梅嘅名句:『食雞有雞味,食魚有魚味。』

    你啲奇特口味激襯另一半。

    炸魚蛋呢?煎鯪魚餅呢?





    回覆刪除
    回覆
    1. 我真係好怕,食雞有雞味,食魚有魚味,食豬有豬味.
      魚蛋我又食喎,但唔係太多魚成份,鯪魚餅完全唔合胃口.

      刪除
    2. 真係 Born in this way,天生口味精奇,憑著呢個天賦條件,可削髮為尼。😝
      施主:善哉善哉 !👍

      刪除
  2. 記得你好似唔like食魚喎。

    回覆刪除
    回覆
    1. 罐頭魚都食嘅。但唔係太好囉.

      刪除
  3. 即係罐頭吞拿魚就咁食無乜魚味,但加調味料煎過就好大魚味?
    唔鍾意肉有肉味, 點解唔做素食者呢?你係唔鍾意個味道定氣味?

    回覆刪除
    回覆
    1. 我估係加熱咗帶出魚腥味.
      肉我要食㗎,但係要醃or煮到冇咗天然味囉.

      刪除
    2. 但你落咗wasabi同薑蓉都去唔到腥?可能你落唔夠
      我以前有個日本妹朋友話佢嘅去腥方法係將啲魚浸牛奶20分鐘

      刪除
    3. 罐頭魚本身有水或油,倒咗啲水或油再落牛奶浸囉 :p

      刪除
    4. 想知就只有一個辦法: 試!
      可以先試四分一罐,試咗唔得咪算囉,如果得,你以後可以食多啲魚 :p

      刪除
    5. 又係喎,可以試吓work唔work.

      刪除
  4. 真係唔明.....點解接受到罐頭魚,但罐頭魚做魚餅又唔啱呢?!

    回覆刪除
  5. 肥人而家先知道王子係唔食魚架....hahaa

    回覆刪除
  6. 罐頭魚一向腥味重喎, 你又吃? 新鮮既你又不吃??

    回覆刪除

入咗嚟,不如寫幾隻字,留個言啦.