Litschau

7月8 返維也納前去埋Litschau八一八.因為呢度每年都有個Schrammel Klang Fesitval音樂節。咁啱我又係附近，當然要去啦.

星期日湖邊音樂會開始前喺火車站有樂隊表演。亦有shuttle蒸氣火車載客嚟呢度(只有一班).

懷舊火車內籠。

火車站亦有兩卡車廂做咗博物館。

舊年都嚟過,但係冇經過鎮中心,唔知呢度有個城堡。

音樂會開喺湖邊幾個地點舉行。

而呢個湖亦係一個泳場。

今年多咗呢碌藝術裝飾。

有古裝人. 唔係撞鬼.

天氣好,都幾多人嚟睇.

今年有坐船仔過對面岸.單程1歐。

而呢個場後面有塊田.係咪薯仔呢?

今年新設呢啲臨時廁所。奧地利發明喎,上過電視添㗎。

大家開完大細後，就攞旁邊呢啲木糠埋咗啲出品.啲木糠話會吸味.而多餘水份會被隔開。之後有人收集做肥料。

我用嗰時幾驚見到唔想見嘅嘢呀。好彩上手埋得好企理。另外又真係冇臭味,只有木糠味.

臨走時見多次個火車頭。

第二次嚟,新意大減。可能下年未必嚟喇。