超市買物

最近小小兵出咗出奇大蛋。有四款玩具。

買咗四次，只有三款唔同。

第一次喺西人超市見有雪米糍。減價3歐一盒，六粒 (原價6歐一盒喎）

個皮冇香港賣嘅咁軟，但好味嘅。

除咗made in 邊度，啲人對材料係邊度嚟嘅意識都增強。呢盒急凍魚柳寫咗啲魚係挪威嚟，仲寫埋用乜方法釣（因為歐洲人對拖網捕魚比較反感）。

最近喺中超見有呢隻我一直想試嘅即食麵。三歐幾一包。

香港製造嘅出口版，冇中文的。

口感似食拉麵（我麻麻。我去日本旅行都極少食拉麵。）應該唔會再買。

二人份量。剩咗嘅一半要出動我嘅新玩具去抽真空存放。

依家啲人環保意識強。超市廣告依家都標榜啲嘢冇包裝。其實芒果除咗泰國貨都唔會有包裝的。個標示都幾多餘。

最近見某超市賣邊爐+韓燒鍋。心郁郁想買㗎喇，但係冇人同我打邊爐喎。而我打邊爐只係食牛肉，紹菜，丸，咁我煮麵時烚埋咪都一樣。所以決定唔買嚕。