2016年7月11日星期一

唔知乜活動

星期五睇報紙知我屋企冇幾遠有個活動,會有hobby cooks擺檔。咁又去睇吓啦.

去到先知原本呢度有入場費(呢度冇話係免費嘅活動好多時去到先知要收錢),但係我六點幾嚟話免費喎. 唔知係咪冇人嚟定係有啲檔口已冇食物。
入面啲檔口嘅食物全係免費。另外入場時有張紙畀你投票邊檔最好食.
大部份檔口都冇介紹有乜食.
呢檔係唯一一檔食物有賣相.檔主好有心機咁整。
問佢係乜. 係走骨spare ribs. 我覺得佢最好食.我嘅一票咁就畀咗佢.
試食份量都唔細。唔夠佢好樂意畀多啲你(算唔算係賄選呢?).
以下呢個我覺得太鹹。
雜菜批。味道麻麻.
呢個中間塊肉係帶甜。
仲食咗一個飯冇影到相. 有啲檔口嘅檔主因為唔主動咁我費事問佢攞嚟食. 但係食咗以上咁多已經飽了.
同場有人唱歌娛賓。
我去嘅係晚飯時間都冇乜人。睇怕呢個活動只此一次,唔會再搞。

32 則留言:

  1. 吃飽飽,唔駛煮晚飯!

    回覆刪除
  2. 睇電視見香港仔果邊有間公司都搞緊同類活動, 幾新穎~

    回覆刪除
    回覆
    1. 都幾好㗎。自己嘅廚藝可以被人肯定。

      刪除
  3. 王子係咪可以慳番一餐飯錢?

    回覆刪除
  4. 呢類活動係咪畀啲有心做食肆的準老闆,試吓水溫呢?!!
    我覺得香港都可以借吓鏡…

    回覆刪除
  5. 早知你打鑼打鼓叫晒啲街坊嚟啦,多啲人嚟以後先會再攪嘛 :p

    回覆刪除
  6. 有試食都冇人去,浪費了

    回覆刪除
  7. 好似都好靜蠅蠅咁......係咪晏晝會多人D???
    唔收入場費都咁少人,收錢咪仲拍烏蠅?
    現場唔見有煮食爐具,係咪多數已經煮好晒現成畀人食?

    回覆刪除
    回覆
    1. 我去係晚飯時間囉喎。
      我估係喺屋企煮好晒再拎去翻熱。

      刪除
  8. 免費餐真係好,啲食物都唔錯喎

    回覆刪除
  9. 回覆
    1. 唔係呀。夏天冇乜活動,一星期得一兩場咋。

      刪除
  10. 咦!入場免費,野食又免費咪可以慳返餐!

    回覆刪除

入咗嚟,不如寫幾隻字,留個言啦.