2016年9月27日星期二

肉丸湯

呢次跟一本法國Giverny食譜煮個肉丸湯. 因為我本書係德文,想搵吓個湯法文係乜啦. 但係唔見有喎, 只搵到soupe aux boulettes de veau. 似乎呢個唔係Giverny嘅名菜。

湯底超簡單。炒炒啲洋蔥粒再加牛肉湯粒開水. 我因為用菜頭菜尾同啲皮呀煲咗個湯,所以冇跟佢煮. 
肉丸> 兩塊舊方包切粒,用牛奶浸開再格走多出嘅奶。加入500g 絞牛仔肉(咁貴嘅食材我梗係改咗用普通肉啦),一紮parsley切碎,一隻蛋,鹽,胡椒,肉荳蔻調味.
肉丸放入牛肉湯內用中火煮熟。食時加少少檸檬汁.
一個好普通嘅湯,但係好好味.

28 則留言:

  1. 回覆
    1. Thank you.
      btw你度係咪興煮肉丸湯㗎?

      刪除
    2. 其實我好少見佢地飲湯架, 出街食, 去人屋企食, 都少見, 或者我呢邊少有

      刪除
    3. 我今日睇另一本法國食譜,前菜,主菜,甜品都有.偏偏就係冇湯。

      刪除
  2. 唔錯,不過,我懶,食爽口彈牙嘅牛丸。

    回覆刪除
    回覆
    1. 世衛夠話午餐肉、香腸、火腿等加工肉類有毒啦!乜你已經戒咗咩!
      唔好一時唔偷雞就做保長架。
      食少少中毒未深唔驚,平時要食番啲健康嘢解毒。

      可能:
      1.你嘅洋葱、芫茜有農藥都唔定。
      2.白麵包係低纖,即係食白米飯一樣,仲要多左脂肪(奶及牛油/豬油/菜油),仲要麵包係要經高溫烘焗,會產生微量致癌物質(丙烯醯胺)。另外,有部份麵粉一早被混入致癌溴酸鉀,為求令麵包更鬆軟。 你應用自制麥包。
      3.有毒牛奶有三聚氰胺。換咗安全嘅自制豆奶。
      4.牛肉嘅飽和脂肪酸有害健康,同殺食時嘅屍毒都冇益。你食嘅牛肉可能患有腫瘤,令你致癌。換有食抗生素嘅魚或雞會較為安全啲。
      5.你買有機走地雞嘅雞蛋(可確定係有機安全,不過士瀼食水已污染)定係籠飬雞食化學食物同抗生素嘅雞蛋呢?
      想得太多人都癲,真係好難避免。

      我呢啲窮人唔顧慮得太多,只可以食唔係太毒嘅都食物。

      刪除
    2. 睇完我要練仙先得。

      刪除
  3. 你用d雞皮煮湯呀😰d雞骨你唔用咁嘥
    下次整意式

    回覆刪除
  4. 你整嘅肉丸重靚過食譜果d。

    回覆刪除
    回覆
    1. 係咪你太眼瞓睇唔清楚咋? 哈哈.

      刪除
  5. 肉丸我喜歡番茄煮,好似匈牙利燴肉丸咁。湯,我未試過。

    回覆刪除
  6. 加麵包仲好,鬆軟的,又食少啲肉

    回覆刪除
  7. 好似茶樓嘅山竹牛肉球 :p

    回覆刪除
  8. 這個湯賣相看似簡簡單單清清地,應該幾正~

    回覆刪除

入咗嚟,不如寫幾隻字,留個言啦.