2016年9月29日星期四

法式酿茄子?

又係跟嗰本Giverny食譜。今次整酿茄子.

三條鬼佬茄子切半,喺啲皮𠝹 幾刀,茄子肉嗰面灑上鹽醃佢一個鐘,出咗水後抺乾。茄子肉嗰面上麵粉,肉嗰面向底煎十分鐘。起肉切碎。肉同皮備用.
汁> 四個番茄去皮切粒,煮熟後打蓉。加百里香,月桂葉煮十分鐘. 撈起啲香料。兩粒乾蔥切粒同一瓣蒜蓉炒炒,加埋落番茄度煮多十分鐘。鹽,胡椒調味.備用.
餡>100 磨菰切粒, 多多parsley碎,三粒乾蔥切粒,兩瓣蒜蓉。全部炒埋一堆至收水. 再加入茄子蓉同一大羹煮好咗嘅茄汁. 鹽,胡椒調味.
啲餡酿入茄子,灑上麵包糠,焗佢廿分鐘。
幾好食㗎。但係太多功夫,應該冇下次.

34 則留言:

  1. 冇奶油係皮果面鎅刀,通常都鎅肉果面

    回覆刪除
    回覆
    1. 你咁講,我睇多次先.
      冇錯喎,係𠝹個皮。個估係for煎嗰時唔會攣起卦。

      刪除
    2. 鎅肉令佢易熟,皮鎅咗咪破,係唔會孿起嘅
      意式釀茄子都係咁,加芝士落去焗

      刪除
  2. 回覆
    1. 好味㗎,不過太煩。
      btw你度有冇呢味餸㗎?

      刪除
  3. 矮瓜釀鯪魚肉,煎香好味又慳功夫,我鍾意食架。

    回覆刪除
  4. 真係太多步驟,唔多啱我呢啲懶人

    回覆刪除
  5. 點解我第一眼會睇咗"法式浪子"架? XD

    回覆刪除
  6. 呢個係前菜定還是主菜?
    而你話太多功夫冇下次,法國大餐「多舊魚」就係咁㗎喇!哈哈…哈哈!

    回覆刪除
  7. 好鬼多功夫喎,我諗我會做中式釀茄子...........hehe

    回覆刪除
  8. 茄子肉嗰面灑上鹽醃佢一個鐘咁耐?咁啲茄子肉有無變啡色?

    回覆刪除
  9. 又真係幾多功夫,就咁釀咗佢算吧啦!

    回覆刪除
  10. 如果宴客都唔錯,整完砌片再上檯...不過功夫材料就多咗少少~~~

    回覆刪除
  11. 老友...你喺咪想寫法式"釀"茄子,嘛
    我食過意式釀笳子...做法差唔多😊😊

    回覆刪除
  12. 呢個意大利餐廳同土耳其餐廳都有得食,屋企整細份量真係太煩喇

    回覆刪除
  13. 呢味復雜,我D簡單野外菜學唔到呀。。。

    回覆刪除
  14. 我都係肉果邊𠝹,可以沾實啲肉唔會咁易分開

    回覆刪除
    回覆
    1. 𠝹肉果邊可以沾實啲肉? 唔多明呢個邏輯。

      刪除

入咗嚟,不如寫幾隻字,留個言啦.