雜菜焗藜麥

藜麥聽就聽得多,最近買咗一包仔試。我幾like佢個口感. 咁當然搵吓藜麥有乜好煮意啦.見呢個應該啱我食.

200g 藜麥quinoa, 一棵蔥幼切，500ml 菜湯，300ml cream, 400ml 奶，三粒丁香，一條肉桂，半茶匙coriander seeds粉,半茶匙 肉豆蔻粉,一瓣蒜頭切粒, 700g 椰菜切絲，800g 抱子甘藍開半，600ml 蘿蔔切片，120g Emmental芝士粹。

藜麥洗洗,同蔥,湯一齊慢火煮廿分鐘。備用.
抱子甘藍用鹽水烚三分鐘後過冷河備用。
椰菜用鹽醃廿分鐘至軟身備用。
Cream, 奶，coriander seeds, 肉豆蔻, 蒜頭煲滾，鹽調味. 再加丁香，肉桂備用。
喺焗盤順次放藜麥, 椰菜, 2/3蘿蔔, 抱子甘藍, 蘿蔔, 芝士. 倒入奶液。入爐焗50分鐘。

我個版本係> 丁香，肉桂我用粉, 蘿蔔我唔係太like，只係用咗兩條。液體好似好多,我減咗半....咁就出事了.可能唔夠汁浸住啲菜，藜麥喺底吸晒啲汁,就好好味,菜就冇乜味,好天然囉。

藜麥睇wiki話係種子嚟嘅，而我習慣洗米水用嚟淋花, 洗藜麥水都一樣啦。。。。隔咗個星期。。。發芽。。。咁我咪可以自給自足?