大廈管理員

我呢度嘅大廈管理員工作同香港嘅完全係兩回事。呢邊嘅住宅大廈唔似香港咁喺電梯大堂有個位畀管理員坐。佢嘅工作真係管理棟大廈，好似係洗地洗lift啦,換燈膽啦,掃行人路*，剷雪*。
*行人路嘅清潔奧地利係大廈自己負責番，垃圾佬只係掃馬路，清街邊垃圾桶。所以落雪時係各家自掃門前雪的。
如果棟大廈係單一業主嘅，以前好多管理員都係住喺同一棟大廈, 方便處理突發事件例如突然落大雪要剷雪(聽講會收佢平啲租).
但係依家好多大廈嘅管理工作都外判咗.因為冇人24小時長駐，服務當然冇咁好啦.

上圖係我住嗰度依家外判咗去嘅服務供應商。服務就真係低B到冇朋友。
經典嘅有> 落大雪嚟剷咗行人路啲雪，冇灑防跣石仔都算佢嘞。但係居然冇剷大門口去行人路嗰段仔路。

而上下呢間係維也納比較大嘅大廈管理公司（清潔公司）。佢哋負責嘅大廈都有呢個牌。