電視時間

最近睇乜新電視節目呢？
香港播更金田一。金田一以前喺香港我買齊嚟睇㗎。過咗嚟當然冇再追啦.
R卡通嘅故事我好似漫畫睇過.但係印象模糊.

另一套漫畫改嘅卡通Chi's sweet home。香港唔知叫乜.

我喺呢度打書釘時認識佢。雖然係譯咗德文，但係故事嘅對話唔多.好易明.大約半個鐘可以睇完一本。慳番唔使買。

 電視呢套係電腦動畫。寫blog時發現好似有2D版㗎。

新嘅美劇有The Guest Book。每集都有唔同人入住一間渡假屋。故事關於佢哋發生嘅事。唔算係喜劇，但都幾得意.

 Project Runway第十六季了.今季有位台灣人.

整容節目我好鍾意睇.最近發現呢輯Botched。已經係第四季。內容主要係同啲失敗嘅整容手術執手尾。

印象深刻嘅有>
歐洲第一巨胸嘅德國女子。佢有前冇後。想殖pet pet.原來最好係用番自己嘅脂肪。佢因為一早抽走晒，冇得做。

 另一位殖pet pet失敗. 矽膠放錯位導致下墮。

而呢位想要更加豐滿嘅嘴唇。因佢已經好似鴨嘴咁,風險太高被拒絕了.

呢位抽脂抽錯位令到左右唔一樣。

睇咗咁多集，覺得手術失敗嘅多數係塌鼻。個個都係唔可以再用個鼻嚟呼吸。

另外最多嘅仲有係矽膠離開咗個胸往上移。

德國電視都有睇嘅。
好似係德國版嘅Ninja Warrior啦. 未有德國版前呢度有播美國版。初初睇個型式好熟口面。原來N年前睇過日本原版。想當年係友人錄影咗直送畀我睇的。

德國版The Big Music Quiz. Wiki話原版係澳洲電視參考一個法國節目。內容係估歌仔.我又可以估埋一份,所以我幾鍾意睇.