薰衣草曲奇

早早早早前睇過一個食譜要用到薰衣草。邊度可以買到薰衣草煮嘢呢? 嗰啲薰衣草香囊嘅又唔知有冇落香劑喎。諗起德國friends屋前種有薰衣草,於是今次個trip就剪啲帶返維也納。

有咗薰衣草但係隔咗太耐唔紀得係乜食譜。於是用偵探頭腦，薰衣草法國出名，所以就摷吓啲法國食譜。真係畀我搵到。係薰衣草曲奇!

250g 麵粉，120g 糖（我已減咗糖），一茶匙薰衣草碎，200g 牛油，少少鹽。
所有嘢搓好.雪番實。印模。180C焗15分鐘。
我頭一盤燶咗啲。食唔出有薰衣草味.第二盤(上圖）只有微微薰衣草味，下次可以落多啲。