做觀眾

12月7去咗做電視節目觀眾。呢度電視節目原來好多都係外判咗. 拍攝唔係喺電視台,而係去外判商嘅studio。

觀眾我估有過百人,等咗大半個鐘先可以入studio.
唔知係咪嘉賓遲大到，有位工作人員同大家熱吓身，講吓笑話，教大家乜時候拍手等。
仲有扮嘉賓進場，叫我哋拍手,然後拍攝觀眾興高采烈嘅情況。我估係之後剪接用.

呢個係一個新節目Helfrieds Strenge Kammer嘅首集。係一個搞笑talk show(類似美國嗰啲)。 將會喺能量飲料集團嘅電視台播出. 但係唔知電視台會買幾多集，所以都唔知會拍幾多集。播出日期都未知.

去廣告時間其實係冇休息,即刻繼續拍。只係播預先錄製嘅外景時,有人嚟同主持嘉賓補粧。

節目一氣呵成，中間冇NG. 但係成個節目完咗導演先通知有嘢唔記得拍,要最後位嘉賓埋位再拍過. 之後收音師又話結尾收音唔好,要拍過. 但係啲嘉賓都走咗了.我估靠剪接啦.