茄汁大蝦

茄汁大蝦一味差啲畀我遺忘嘅餸。於是上網搵吓食譜.
似乎各家都有自家煮法。綜合咗幾個,試試我呢個版本啦.

 

兩茶匙蒜蓉，一個小洋蔥切粒.兩茶匙酒，四湯匙茄汁,四湯匙糖，四湯匙水,兩湯匙醋，兩湯匙喼汁。
蝦抺乾，煎半熟。落蒜蓉洋蔥炒炒。加酒。最後兜入餘下汁料。
唔知係咪我啲蝦煎得唔夠乾，個樣好似白灼蝦。都好食,但唔係我家食開嘅味道。我估應該唔使落醋。
註＞西超買嘅有殼蝦係冇頭同easy peel的。