2017年12月11日星期一

U Stars

地鐵站嘅音樂表演喺部份歐洲國家唔係新事物。但係維也納今年下半年先引入. 呢度叫U Stars(U喺奧地利代表地鐵)

表演者要申請, 喺指定範圍內表演。
地鐵引入呢個安排係想...........減低地鐵罪案率喎。因為維也納大部份站都係冇工作人員的,佢哋希望啲表演者喺度可以阻嚇犯罪份子.
暫時我見兩個站有.雖然個站時時都人來人往,但係仍然係道友,醉酒漢嘅集中地。

28 則留言:

  1. 叫佢地搵大媽表演嘛, 一定嚇退D壞人

    回覆刪除
  2. 有幾嚴重呀?
    又認係靚仔,畀人劫色 劫財 未呀?

    回覆刪除
    回覆
    1. 我唔覺好嚴重。佢哋只係聚集,你唔犯佢,佢唔搞你.
      靚仔識say no啫.

      刪除
    2. 綁住你霸王硬上弓, 越嗌唔好越興奮。

      刪除
  3. 回覆
    1. 街頭表演警察會查有冇申請㗎。

      刪除
  4. 乜你果邊d地鐵同NY有得揮喎

    回覆刪除
  5. 咁香港地鐡治安就真係好好。

    回覆刪除
  6. 乜你嗰邊有咁多醉酒佬同道友?
    佢哋喺地鐵入面唔搭地鐵可以做乜?

    回覆刪除
    回覆
    1. 啤酒平過汽水,醉酒好多㗎。
      佢哋只係聚集.

      刪除
  7. 黐線嘅,D人掛著聽歌,可能無留意有扒手架。

    回覆刪除
  8. 大部份站都係冇工作人員 <-- 咁如果有乘客有問題要工作人員幫忙咁點算?
    地鐵多數有邊類罪案?

    回覆刪除
    回覆
    1. 乘客幫囉.好似我呢邊好多站都冇電梯的,如果推BB車而一千零一部lift壞咗就冇人幫你喇。
      非禮案比較多.

      刪除
    2. 無電梯咁坐輪椅嘅傷健人士點算?
      真係估佢唔到,咁開放嘅地方竟然係非禮案比較多

      刪除
    3. 真正數字我唔知,只係覺得報紙講嘅地鐵罪案多數係非禮.
      無電梯唯有去下個站搭囉.

      刪除
  9. 咁係有阻嚇作用嘅,但D人留心睇表演又會比賊人有機可乘噃!可謂針無兩頭利!

    回覆刪除

入咗嚟,不如寫幾隻字,留個言啦.