珍得巧克力劇院(上)

12月16去咗奧地利東南部嘅Riegersburg.呢度係奧地利古力品牌Zotter珍得巧克力嘅廠。嚟呢日係星期六，好多疑似鄰國嚟參觀嘅團。

Audio guided tour每15分鐘一團，呢日見佢通通爆滿。門票15.90歐.

等嘅時候可以試食.
有唔同味道嘅古力爆谷.

唔同醬汁,可惜佢冇refill,吉的。睇介紹係唔同嘅蟲醬，魚頭汁等。

試食咗條蟲乾，脆脆的。似似地muesli味.

首先喺劇院睇介紹Belize嘅有機可可林,品牌點fairtrade嘅洗腦影片。廿分鐘。

唔知係咪藝術品,啲under喺頭頂運行。

之後就參觀。

介紹可可豆。

可可豆可以試食.我揀咗馬達加斯加同伯利茲嘅嚟試，剝殼時已好大分別。馬達加斯加嘅粒豆可以好完整，伯利茲嘅一剝粒豆就碎晒。而兩者味道都好唔同。唔係古力味,唔好食的。

古力噴泉呀！唔好太開心,呢啲係可可豆磨出嚟嘅醬。好鬼難食,好苦.

呢個tour主要係試食,入場時每人都攞隻羹先。

工廠唔見人開工，只係睇影片介紹。

有啲唔同濃度嘅古力粉試食。

產品試食。

液態咗嘅古力產品試食。

超多古力醬試 (唔只相中所見嘅)，唔想慢慢排，呢度我只係揀咗四個試。

路線出一出戶外，見到可可豆殼用嚟做肥料。

呢part介紹香料。

古力完成品試食。

素食古力,用米做。。。。唔好食的。

終於見有工作人員.

包裝紙。

呢個係回本位.

吊車仔運啲drink chocolate出嚟，任攞.

試食古力脆脆。

呢度試食古力豆。

最後係running chocolate迴旋古力. 又係產品試食。其實掛主食都冇望吓個工廠。

人手慢慢包裝。。。。