Bad Ischl

8月11嚟到Bad Ischl. 都算係老地方，嚟過好多次.

作曲家Franz Lehár

嚟呢度係因為Lehár Festival音樂節。

呢晚有 Sisi in Concert. 以為係有人扮Sisi唱歌。原來係管弦樂團演奏電影中嘅配樂。仲搵咗個作曲者嚟。

螢幕播放電影片段，台上有人跳舞，讀女主角嘅日記。。。
雖然Sisi電影喺電視番炒又番炒,但我對佢啲配樂唔多熟，而讀日記又悶喎. 最後睡魔叫咗我早走返酒店。

 8月12 仍然喺Bad Ischl磨。

知名cafe原來好似日本咁有食物samples睇.
Btw大家仲記唔記得個故事。皇帝小三嚟呢間cafe買cake扮係自己整，皇帝又好鍾意食喎. 令到間cafe聲名大噪。

呢間cafe嘅名物Zaunerstollen. 
大嘅要成差唔多廿歐。

唔知好唔好食，買咗幾片試吓.呢個包裝似唔似去藥材舖執藥？

繼續四圍磨。

又見食物samples。係一間泰菜。

終於磨到夠鐘去睇歌劇，劇目係Das Land des Lächelns (The land of smiles)
我有做定功課㗎。點知個劇背景零變化，唱多個做。。。居然瞓咗幾次都仲可以跟到個故事。另外大熱天時微冷氣，都係唔好虐待自己嘞，中場走人.

劇場出面咁啱有個Kaisertage嘅開幕表演。 Kaisertage係慶祝已故皇帝壽辰嘅活動。每年重頭戲係(假)皇帝出巡.

烈日當空聽咗一首就返歸（維也納）。

呢日時時都見到呢pair古裝人.唔係我時運高嘛???

講番件Zaunerstollen. 係好好食㗎。下次一定要買。但四件已經十歐。

Cafe另一名物Zaunerkipferl, 好充實嘅牛角，有nuts的。
係就係好食，但唔值2.5歐一件囉. 食過就算，冇下次.